Ҷавонон бо шароити хизмати сарбозон шинос шуданд

0
435 просмотров

Чанд рӯз қабл дар яке аз қисмҳои низомии комендатураи ҳарбии Горнизони вилояти Суғд, мустақар дар шаҳри бостонии Хуҷанд, бо иштироки беш аз 100 нафар ҷавонони синни тодаъватӣ ва аскарону афсарони қисми ҳарбии номбурда Рӯзи дарҳои кушод баргузор гардид. Бахтиёр Исматҷонов, мудири бахши кор бо ҷавонон ва варзиши Мақомоти иҷроияи ҳокимияти давлатии шаҳри Хуҷанд дар ҳузури ҷавонон ва аскарону афсарон зикр намуд, ки чорабинии мазкур бо мақсади баланд бардоштани ҳисси ватандӯстию ватанпарастии онҳо, эҳтиром ба арзишҳои миллӣ, ошноӣ аз будубоши аскарон дар қисмҳои низомӣ, ҷалби бештари ҷавонон баҳри хизмат ба Артиши миллӣ гузаронида мешавад. Ҷавонони синни тодаъватӣ бо шароити хизмати сарбозон, ҷойи хоб, ошхона, ҳаммом, лавозимоти ҷангӣ шиносоии наздик пайдо намуда, аз маводи хӯрокаи сарбозон низ чашиданд. Сипас ба 10 нафар афсарону сарбозони қисми ҳарбӣ барои хизматҳои намунавиашон сипоснома ва тӯҳфаҳои хотиравии шаҳрдории Хуҷанд тақдим гардид. Дар охири чорабинӣ аз ҷониби оркестри нафасӣ барномаи фарҳангӣ намоиш дода шуд.

 

Манбаъ: сомонаи расмии МИҲД-и вилояти Суғд

 

Нет комментариев

Также рекомендуем

Семинар барои мураббиён дар ФФС

Санаи 3 март дар қароргоҳи Федератсияи футболи Суғд (ФФС) курсҳои омӯзишӣ барои дарёфт кардани рухсатномаи “С” оғоз шуд. Аз ФФС хабар доданд, ки ин семинарро ...