Аввалин гӯштини юнонию римӣ дар соли 2015

1
427 просмотров
neusport.ru

neusport.ru

Дар шаҳри Душанбе мусобиқаи кушод оид ба гӯштини тарзи юнонию римӣ баргузор гардид, ки дар он  тамоми дӯстдорони ин намуди варзиш ҷалб шуданд. Кувваозмоиҳо ду рўз ҷараён гирифт, ки дар он беш аз 200 варзишгар дар вазнҳои мухталиф шурўъ аз 20 кг то 85 кг маҳорату ҳунари гӯштингирии худро нишон доданд. Мусобиқаи мазкур бо ташаббуси мактаби маҳорати олии варзишӣ оид ба намудҳои гӯштин гузаронида шуданд. Мусобиқаи кушод байни кўдакону наврасон ва ҷавонон пешбини шуд.

Ин аввалин мусобиқаи гӯштини юнонию римӣ дар соли 2015 буда, тибқи нақшаи масъулину мурабиён дар давоми соли ҷорӣ  паҳлавонони кишварро як силсила мусобиқаҳои ҷумҳуриявию, минтақавӣ ва ҷаҳонӣ интизор аст. Баъд аз рақобатҳои зиёд ғолибони ин мусобиқа маълум шуданд. Миёни кўдакон Эмоммаҳдӣ Шарифов, Тоҳир Амиров, Қурбоншоҳ Каналиев, Оятулло Қандов, Фирўз Мирзораҷабов, Ҳусейн Саидов ва дигарон мақомҳои ифтихориро соҳиб шуданд. Байни наврасону ҷавонон, дар вазни 46 кг Аламшоҳ Камолов, дар вазни 50 кг Давлаталӣ Шарифов, 54 кг Фирўз Шарифов, 58 кг Ислом Маҷидов, вазни 69 кг Ҷавоҳир Ҳакимов, 63 кг   Азамад Мавлонбоҳимов,  Суҳроб Абдулоев  ва Ҳотамшоҳ Миров дар вазнҳои 76 ва 85 мақомҳои аввалро соҳиб шуданд. Дар ин бора khovar.tj хабар медихад.

1 comment

Опубликовать новый комментарий

Также рекомендуем

Асал ва намудхои он

Асал аз ҳама ширинии беҳтарини табиӣ ба ҳисоб меравад. Вай, на ин ки бомазза, балки фоиданок аст. Ҳатто духтурон онро ба беморон тавсия медиҳанд. Дар ...