Аёдати ашхоси камбизоат ва иштирокчии ҶБВ

0
156 просмотров

Раиси шаҳри Хуҷанд, вакили Маҷлиси вакилони халқи вилояти Суғд Маъруф Муҳаммадзода дар доираи мулоқоти худ бо интихобкунандагони ҳавзаи интихоботии “Бофанда №2” якчанд нафар ашхоси камбизоат ва собиқадори ҶБВ-ро аёдат намуд.

Раиси шаҳри Хуҷанд, вакили Маҷлиси вакилони халқи вилояти Суғд Маъруф Муҳаммадзода ба манзили Хадича Муҳаммадиева, ки 3 сол инҷониб бинобар бемориаш азият кашида, аз хонааш баромад наметавонад, рафта аёдат намуд. Маълум гардид, ки номбурда фарзанд ва келини маъюб низ доштааст. Ба номбурда аз ҷониби Раиси шаҳр Маъруф Муҳаммадзода маводи ғизоӣ ва кӯмаки молӣ расонида шуд.

alt

Маликаброр Шарипови 93 сола, иштирокчии ҶБВ ва Зебо Фозилова, зани бепарастор низ мавриди аёдати Маъруф Муҳаммадзода қарор гирифта, ба онҳо маводи ғизоӣ ва кӯмаки молӣ дастрас гардид.

Раиси шаҳри Хуҷанд Маъруф Муҳаммадзода зимни суҳбат бо аёдатшудагон таъкид дошт, ки эшон ҳамеша зери назари ғамхорӣ ва таваҷҷуҳи доимии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ва Раиси вилояти Суғд Раҷаббой Аҳмадзода қарор доранд. Ва мо муваззафем, ки шуморо хабар гирем, баҳри беҳбудбахшии зиндагии шумо мусоидат намоем-гуфт Раиси шаҳр.

Роҳбари шаҳр ба аёдатшудагон сиҳатмандии комил, сарбаландӣ, саодати рўзгор, хонаи обод, хотири ҷамъу осуда таманно намуд.

Аёдатшудагон аз ин таваҷҷуҳу ғамхорӣ ба Ҳукумати Ҷумҳурии Тоҷикистон, махсусан ба Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон арзи сипос намуда, дар ҳаққи давлату миллат ва мардуми сарбаланди кишвар дуои нек карданд.

Таъкид шуд, ки мо ҳамагон шукронаи Ваҳдату осоиштагии Ватани азизамон намуда, дар атрофии Роҳбари Давлат сарҷамъ бошем ва барои сохтмони бинои бузурги Истиқлолият хишти созандае гузорем.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: