Ҳайвони хонагӣ

0
779 просмотров

Гов – ҳайвонест хонагӣ ва ҷуфтсум. Бино ба таснифоти зоологӣ ба синфи ширхӯрҳо (оилаи ковокшохон) мансуб аст. Гов ба ақидаи аксарияти олимон аз тур (Вos primidenius), ки чандин ҳазор сол пеш аз мелод дар Аврупою Осиё ва Африқо паҳн шудааст. Турҳоро тақрибан 8 ҳазор сол муқаддам, сараввал дар Ҳиндустон ва баъдтар дар Осиёи пеш, кишварҳои баҳри Миёназамин, Европаи Миёна ром ва дастомӯз кардан хусусиятҳои биологии гов хеле тағйир ёфтанд.

Гов вобаста ба хусусиятҳои биологӣ ва маҳсулнокиаш  барои инсон аҳамияти бағоят калон дорад. Шири гов ашёи пурбаҳои саноати хурокворист. Шири холис ва пасмандаи он барои парвариши ҷавонҳои ҳайвоноти хоҷагии қишлоқ низ истифода мешавад. Гӯшти гов ва гусола серғизо буда, калорияаш зиёд аст; дар организм зуд ҳазм мешавад ва хусусияти парҳези дорад. Аз пӯсти гов, чарм, аз маҳсулоти пасмондааш орди гӯшту устухон, доруҳои эндокрин, стеарин, ширеш, собун ва ғайра истеҳсол мекунанд. Барзагов ва буқаҳоро дар корҳои хоҷагии халқ истифода менамоянд. Гов ба ҳисоби миёна аз 15 то 35 сол умр мебинад. Давомнокии давраи ҳомиладориаш 285 шабонарӯз аст. Гӯсолаи навзод вобаста ба зот 18-45 (баъзан то 60) кг мешавад. Вазни гӯсолаи навзоди нар назар ба мода одатан 1-3 кг зиёдтар аст. Ғуноҷин бори аввал дар 18-22 моҳагиаш бордор мешавад. Бармаҳал бордор шудан боиси камшири ва суст инкишоф ёфтани ғуноҷин мегардад. Буқаҳоро барои насл гирифтан бори аввал дар 14-18 моҳагиашон ба пода сар медиҳанд. Дар як мавсим барои ҳар буқаи ҷавон 80-90 сар модагов ҷудо мекунанд. Давраи серширии гов моҳи дуюми баъди наслдиҳи сар шуда, тақрибан 305 рӯз давом мекунад. Каму зиёдшавии шири гов ба бисёр омилҳо- зот, пайдоиши ва хусусиятҳои фардии ҳайвонот, сину сол ва ҳолати физиологии он, нигоҳубин, фасли сол ва ғайра вобаста мебошад. Модагов аслан то 6000кг шир медиҳанд. Модаговҳои зоти ширдеҳ дар мавсим то 1000кг шир медиҳанд. Баъди 2-3 моҳи таваллуд кардани гови мода шири гов тадриҷан кам мешавад.

Нет комментариев

Также рекомендуем

Китай выступил против новых санкций США

Пекин выступает против любых односторонних санкций,  в том числе и против нового закона США об ужесточении ограничений в отношении России, КНДР и Ирана, заявили в китайском МИД. «Мы считаем, что урегулирование ...