Аз ҳама зеботарин шаршараи Тоҷикистон

0
635 просмотров

Шаршараи Сари Хосор, ки воқеъ дар ноҳияи Балҷувон аст, аз ҳама зеботарин шаршараи Тоҷикистон ба шумор меравад. Ин шаршара аз фаввораҳои оби мусаффо дар баландии 2010 метр аз сатҳи баҳр дар кӯҳҳои ҳамешасабзи кишвар табиати тоҷиконро зебову оро медиҳад.

Баландии шаршара то 57 метрро ташкил менамояд. Масофа аз пойтахти Тоҷикистон – шаҳри Душанбе то шаршараи Сари Хосор иборат аз 199 километрро ташкил медиҳад. Масоҳати боғи табии Сари Хосор 3805 гектар аст.

Ин мавзеъ дорои ҷангалзори табиӣ ва флораву фаунаи гуногуни кӯҳистонӣ мебошад. Дар ҷангал намудхои гуногуни дарахтон махсусан чормағзи юнонӣ (Juglans regia) ва дигар дарахту буттаҳои нодир мерӯянд. Дар мавсими тирамоҳ аз меваҳои он ҳайвонҳои гуногунро ба монанди хирс (Ursus actos isabellinus), хуки ёбоӣ (Sus scropha nigrepus), уриал (Ovis vignei bocharensis), муши обӣ (Lutra lutra), силавсини туркистонӣ (Felis lyns), паланги барфӣ (Uncia uncia) истеъмол мекунанд.

Ҳарорати ҳаво дар тобистон рӯзона то +38 дараҷаро ташкил карда, шабона бошад +15 дараҷа гарм мешавад. Зимистонаш –15-25 дараҷа хунук мешавад. Шаршараи Сари Хосор дар Боғи табии Сари Хосор воқеъ буда, ҳамчун макони сайёҳии кишвар шинохта шудааст.

Аз сабаби роҳи ин шаршара душворгузару ноҳамвор будан ва дар назди он ягон меҳмонхона ва ё осоишгоҳи замонавӣ вуҷуд надорад, ба он ҷой шаҳрвандон чандон майли рафтанро надоранд. Вале мувофиқи нақшаҳои солҳои наздик рафъи ин камбудӣ дар нақша вуҷуд дорад.

Шахсоне, ки Шаршараи Сари Хосорро диданӣ карданӣ ҳастанд, пас ба онҳо тавсия карда мешавад, ки моҳҳои июн ва июл ба ин ҷо бираванд, зеро дар дигар моҳҳо роҳҳо пур аз обу сел ва ҳавояш низ хунуктар аст.

Нет комментариев

Также рекомендуем

Фаврӣ: Таъиноти кадрӣ дар сохторҳои давлатӣ

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон дар як қатор сохторҳои давлатӣ тағйироти кадрӣ ба амал оварданд. ...