Аз нигораҳои Саразм ва Панҷакенти қадим зиёда аз 35 000 нафар ҷаҳониён дидан карданд

0
868 просмотров

Аз 13 то 16 май Осорхонаи ҷумҳуриявии таърихиву кишваршиносии ба номи Абуабдуллоҳи Рӯдакии шаҳри Панҷакент дар Фестивали ХVIII байналмилалии «Интермузей — 2016» иштирок намуда,  тавонист таърихи бойи тоҷиконро муаррифӣ созад. Фестивал дар намоишгоҳи марказии «Манеж» — и шафати Майдони Сурхи шаҳри Маскав баргузор гардид.
Тавре Фотима Рофиева, директори осорхона иброз намуд: «Осорхонаи таърихиву кишваршиносии ба номи Абуабдуллоҳи Рӯдакӣ бори аввал дар он иштирок кард. Дар гӯшаи намоишии осорхона нигораҳои Саразм ва Панҷакенти қадимӣ, ороиши хона ва либосҳои миллӣ,  либосҳои тӯёна, намунаи ҳунари дастии ҳунармандони тоҷик ба маърази тамошо гузошта шуданд, ки аз ин намоиши осорхонавӣ зиёда аз 35 000 нафар ҷаҳониён дидан карданд».
Манбаъ ҳамчунин илова намуд, ки дар ҷараёни намоиш ба воситаи экран филмҳо дар бораи Тоҷикистон, Саразм, Панҷакенти қадим, сайри осорхонаи ба номи Рӯдакӣ ва анъанаҳои миллӣ намоиш дода шуданд.

Манбаъ: АМИТ «Ховар»

Нет комментариев

Также рекомендуем