Агар Шумо аз касе чизеро пинҳон мекарда бошед, пас барои мукотиба WhatsApp интихоби хуб нест. Маълум шуд, ки мессенджери Facebook камбудие доштааст, ки онро ҳамчун ҷосус истифода бурданашон мумкин будааст. Он имконият медиҳад, ки чӣ қадар бештар Шумо дар шабака қарор мегиред, бо кӣ муошират мекунед ва дар ин кор хомӯш кардани функтсияи онлайн-статус ба Шумо кӯмак карда наметавонад.
Пинҳон шудан номумкин
Хеле ташвишнок аст, зеро дилхоҳ одаме, ки аз ҳама нозукиҳои техникӣ бохабар аст, аз ин камбудӣ барои манфиати худ истифода бурда метавонад. Ин проблема бо онлайн-статусҳои WhatsApp алоқаманд аст, ки барои доимо аз пайи инсон назорат бурдан имконият медиҳад, то ки кай ба шабака воридшавии истифодабарандаро фаҳмад. Бо ҳеҷ як воситае, ки аз пайи фаъолияти Шумо назорат мебарад, сади роҳи нафари сеюм шуда наметавонед. Функтсияи онлайн-статус, ки чӣ хел Шумо фаъолона аз мессенджер истифода бурданатонро дар шабака нишон медиҳад, хомӯш карда намешавад.
Аз пайи истифодабарандагон назорат бурдан хеле осон аст
Яке аз экспертон оид ба бехатарӣ барои браузери Chrome ҳатто як воситаеро офарид, ки онлайн-фаъолии истифодабарандагони WhatsApp-ро назорат мекунад ва ба қайд мегирад. Маълумоти асосии гирифташударо ба одамони манфиатдор расонида, ба онҳо мегӯяд, ки Шумо вақти худро чӣ хел мегузаронед. Маълумоти омории истифодабарандагонро омӯхтан ва муқоиса кардан мумкин аст. Аз ин сабаб донистан хеле аҷиб аст, ки маҳз чиро аз менсенджери WhatsApp фаҳмидан мумкин аст.
Чиро фаҳмидан мумкин?
Масалан, агар бисёр вақт вақти истифодабарии «онлайн» аз тарафи истифодабарандагон бо ҳамдигарашон мувофиқ ояд, фаҳмидан мумкин аст, ки Шумо бо кӣ мукотиба мекунед. Фарз мекунем, ки истифодабаранда барои фиристодани паёмак аз мессенджер истифода бурд. Акнун барнома барои он истифодабаранда боз замимае мекушояд, то ки ҷавоб диҳед. Яъне онҳо байни худ мукотиба мекунанд. Варианти беҳтарин барои ҳамсарони шубҳанок ё волидони зирак мебошад. Инчунин ин маълумоти асосиро бо осонӣ дар ҳаҷми ниҳоят калон ҷамъоварӣ кардан мумкин аст ва баъдан онҳо ба ширкатҳои бегона фурӯхта мешаванд, масалан, бо мақсади таблиғ (реклама). Ин боз дар яке аз ҳолатҳои хуб чунин шуданаш мумкин аст, менависад theNexWeb.
Нет комментариев