Системаи оператсионии Android, ки дар Google коркард мешавад, аз рӯи шумораи истифодабарандагони интернет бори нахуст аз Windows пеш гузашт. Бино ба гуфти намояндагони хизматрасонии веб-таҳлилии StatCounter, алҳол Android — дар ҷаҳон аз ҳама машҳуртарин СО (системаи оператсионӣ) дар компютерҳо, ноутбукҳо, планшетҳо ва дастгоҳҳои мобилӣ ҳамроҳи гирифтаашон мебошад.
Дар моҳи марти дар саросари ҷаҳон аз он 37,93 фоиз, аммо Windows-ро — 37,91 фоизи корбарони интернет истифода бурданд. «Ин як марҳалае дар таърихи технология ва дар охири даврон аст, — гуфт сардори StatCounter Аодхан Каллен, — Он интиҳои пешсафии ҷаҳонии Microsoft-ро дар бозори СO нишон (шаҳодат) медиҳад, ки онро ширкат аз соли 1980 нигоҳ медорад. Он барои Android рахнашавии бузург низ маҳсуб мешавад, ки ҳамагӣ панҷ сол пеш танҳо 2,4 фоизи бозори ҷаҳонии интернетро нигоҳ медошт».
Бино ба гуфти Каллен, афзоиши маъруфияти Android бахусус дар бозори Осиё, ба зиёдшавии фурӯши смартфонҳое, ки ба шабака пайваст ҳастанд, инчунин кам шудани ҳаҷми фурӯши компютерҳои «классикӣ» мусоидат намуд. Бо вуҷуди ин, бо фарогирии наздик 84 фоизи бозор, Windows чун пештара дар бозори СО-и рӯимизӣ (ҳам компютерҳои фардӣ ва ҳам ноутбукҳо) ҳукмфармост, маълумот дода мешавад дар гузориш.
Далелҳои StatCounter ба «маълумоти ҷамъшуда», ки дар 2,5 миллион сомонаҳои тамоми ҷаҳон муайян шудааст, асос меёбад. Пас, маълумоти омории он на ҳама вақт метавонад дуруст бошад: воситаҳои таҳлилии ширкат боздидкунандагонро на дар замимаҳои мобилӣ, балки танҳо дар браузер ҳисоб мекунад. Маҳз бо ин сабаби iOS, системаи оператсионӣ дар «айфонҳо», StatCounter аз Android дар ҷадвал ба таври назаррас қафо мемонад.
Манбаъҳо: The Verge ё http://hitech.vesti.ru/
Нет комментариев