Аз Тоҷикистон то Африқо: Фарҳод Калонов бо мошин ба саёҳати ҷаҳон баромад

0
1 254 просмотров

Президенти клуби мотосиклсаворони Тоҷикистон Фарҳод Калонов ба 50 кишвари ҷаҳон сафар мекунад. Ӯ мехоҳад дар тӯли як сол номи Тоҷикистонро муаррифӣ карда, амалҳои башардӯстона анҷом диҳад.

Ба гуфтаи Фарҳод вай ду моҳ аст, ки дар сафар асту Русия шонздаҳумин кишварест, ки вай сафар мекунад.

«Ба ман доим омад мекунад. Аз одамони бадрафтор дида, накӯкоронро бештар во мехӯрам. Умед мекунам, ки дар оянда ҳам ҳамин хел мешавад», — мегӯяд вай.

Ба гуфтаи сайёҳи тоҷик мошин барои вай мисли манзилест, ки дар он тамоми шароитҳо муҳайёст: ошхонаву ҳамом  дораду ҷойи хобаш ҳам мошинаш аст.

Фарҳод мегӯяд,ки аввал ӯ бо ду фарзандаш ба роҳ баромада буд. Бо онҳо 7 кишварро саёҳат карду аз Туркия писаронашро ба Тоҷикистон гусел кард.

«Дар роҳ ҳар гуна ҳолат рух доданаш мумкин аст. Ман ҳам ба ҳолатҳои нохуш рӯ ба рӯ шудаам», — мегӯяд вай.

Фарҳад нақл кард, ки чигуна дар Ҳабашистон дар ҷой ва вақти ноқулай афтод.

«Он ҷо тазоҳурот буд, аз як тараф полис бо сипарҳояш меистоду аз тарафи дигар ҷавонон бо чӯбу оҳан. Дар ин кишварҳо чунин  ҳодиса зуд — зуд рух медиҳад, ман коре карда аз он ҷо гурехтам».

Фарҳод мегӯяд, ки аз сабаби манзили арзон кофтанаш, вай бештар да ҳостелҳо мемонад. Ӯ чанд бор дар ҳостелҳое мондааст, ки дар ноҳияҳои ҷиноятӣ ҷойгир гаштаанд. «Ман дар ин бора танҳо вақте мефаҳмидам, ки ба меҳмонхона медаромадам. Лаҳзаҳои нохуш  буданд, бо авбошҳо баҳс мекардам. Аммо баъзан танҳо илоҷ гурехтан буду халос», — ба ёд меорад вай.

Ин гардишагари тоҷик дар рафти саёҳати ҷаҳон ба бештар аз 50 кишвар сафар карда, 100 ҳазор километрро тай хоҳад кард. Ӯ як сол дар саёҳат мегардад.Ба гуфтаи Фарҳод, мақсади асосиаш кӯмаки башардӯстона мебошад. Вай сафарашро рӯзи 1 июл — Рӯзи ҳифзи умумиҷаҳонии кӯдакон оғоз кардааст.Сайёҳ мехоҳад нишон диҳад, ки чигуна танҳо садҳо километрро тай карда, ҳам кишварашро ба ҷаҳониён муаррифӣ мекунаду ҳам корҳои башардӯстона анҷом медиҳад. Асосаш ин сафар табъи дили вай аст. Фарҳод боварӣ дорад, ки бо ин роҳ дар дили ҷавонон меҳри ватандӯстӣ ва варзишро афзун мекунад.

Нет комментариев

Также рекомендуем

Дар деҳаи Куруш маркази ҳунаромӯзи ифтитоҳ шуд

Раиси вилоят Абдураҳмон Қодирӣ дар ноҳияи Спитамен маркази таълимӣ-истеҳсолии Куруш мавриди истифода қарор гирифт. Маркази таълимии Куруш дар асоси дастуру супоришҳои Раиси вилоят ҷиҳати эҳёи ...