Бо мақсади ҳифзи иҷтимоии иштирокчиёну маъюбони Ҷанги Бузурги Ватанӣ ва ба муносибати 72 солагии Рӯзи Ғалаба дар Ҷанги Бузурги Ватанӣ ба ҳар кадоме аз иштирокчиёну маъюбони ҶБВ ва ҳамсарони бесаробонмондаи ҷанговарони дар ин ҷанг ҳалокгардидае, ки нафақаи бесаробонӣ мегиранд, ба маблағи 1500 сомонӣ кӯмакпулии яквақта расонида мешавад. Дар ин бора қарори Раиси вилояти Суғд аз 28 апрели соли 2017, №196 ба тасвиб расид. Тибқи ин қарор ҳамзамон ба шахсоне, ки дар давраи Ҷанги Бузурги Ватании солҳои 1941 — 1945 дар хизмати ҳарбӣ буданд ва на кам аз 6 моҳ дар ақибгоҳ кор кардаанд, инчунин ба шахсоне, ки барои хизмати ҳарбии бенуқсон ва меҳнати фидокорона дар ақибгоҳ дар Ҷанги Бузурги Ватанӣ бо яке аз медалҳои «Барои Ғалаба бар Германия дар Ҷанги Бузурги Ватании солҳои 1941 — 1945», «Барои Ғалаба бар Япония» ва «Барои меҳнати шоён дар солҳои Ҷанги Бузурги Ватании солҳои 1941 — 1945» сарфароз гардидаанд, ба маблағи 1200 сомонӣ кӯмакпулии яквақта расонида мешавад.
Манбаъ: www.sugd.tj
Нет комментариев