Аз аввали соли 2017 дар ҳудуди вилояти Суғд бо ибтикори Мақомоти иҷроияи ҳокимияти давлатии вилоят ва соҳибкорони маҳаллӣ 37 адад иншооти гуногуни варзишӣ, дар маҷмӯъ ба маблағи 6 миллиону 978 ҳазор сомонӣ ба истифода дода шуда, дар шаҳру ноҳияҳои вилояти Суғд сохтмони 46 иншооти варзишии хурду бузург ба нақша гирифта шудааст. Ҳоло дар вилоят 45 мактаби варзишӣ фаъолият дошта, дар онҳо дар маҷмӯъ 17 ҳазору 404 нафар наврасону ҷавонон ба тамрин фаро гирифта шудаанд. Аз ҳисоби умумии наврасону ҷавонон 2002 нафарашонро духтарон ташкил медиҳанд. Ҷоизи таъкид аст, ки дар давоми соли 2017 дар вилоят 652 мусобиқа аз рӯи 17 намуди варзиш бо фарогирии 64 ҳазору 260 нафар варзишгар гузаронида шуданд. Дар маҷмӯъ варзишгарони вилояти Суғд дар шашмоҳаи аввали соли равон зимни иштирок дар мусобиқаҳои вилоятиву ҷумҳуриявӣ ва байналмилалӣ ба гирифтани 3228 медал шарафёб гардиданд, ки аз он 996 ададаш медали тилло мебошад.
Манбаъ: Сомонаи НИАТ «Ховар»
Нет комментариев