Ба истифода супоридани боғчаи бачагонаи «Парасту» дар шаҳри Гулистон

0
624 просмотров

Дар шаҳри Гулистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои кӯдакистони давлатии “Парасту”-ро пас аз таъмиру навсозӣ мавриди баҳрабардорӣ қарор доданд.

Ба Сарвари давлат иттилоъ дода шуд, ки масоҳати умумии кӯдакистони мазкур зиёда аз 1 гектарро дар бар гирифта, аз се бино иборат мебошад.

Ин иншоот тайи солиёни зиёд ба харобазор табдил ёфта буд ва он аз ҷониби ҶДММ “Авитсена” дар шаҳри Гулистон пурра таъмиру навсозӣ шудааст.

Дар кӯдакистон мизу курсӣ ва дигар аёниятҳои хониш таъмин мебошад.

Аснои шиносоӣ бо ин муассисаи таълимӣ Президенти мамлакат муҳтарам Эмомалӣ Раҳмон ба кори сохтмончиён баҳои баланд дода, иқдоми соҳибкорони ватаниро шоистаи таҳсин хонданд.

Акнун дар ин муассисаи наву замонавии томактабӣ 500 нафар фарзандони сокинони шаҳри мазкур дар 14 гуруҳ ба таълиму тарбия фаро гирифта мешаванд. Бо ба фаъолият шуруъ намудани ин кудакистон 38 нафар соҳиби ҷойи кор ва маоши хуб гардидаанд. Дар ин ҷо раванди таълиму тарбия бо се забон, тоҷикӣ, русӣ ва англисӣ сурат гирифта, мураббиёнаш ботаҷриба ва соҳибихтисос мебошанд.

Ҳангоми таъмиру навсозӣ ҳуҷраҳои кории маъмурият, ҳамшираи тиббӣ, анбори нигоҳдории маҳсулот, ошхона ва хонаи шустушуи либос низ ба инобат гирифта шудаааст. Кӯдакистон ба шабакаи ягонаи гармидиҳӣ пайваст мебошад, ки ин барои муътадил нигоҳ доштани ҳуҷраҳо дар фасли зимистон мусоидат менамояд.

Дар саҳни ҳавлии кудакистони “Парасту” 14 айвонча мавҷуд аст, ки дар он машғулиятҳо гузаронида мешавад.

Шинонидани дарахтони гуногуни ороишиву ҳамешасабз, гулу баттаҳои ороишӣ, сафолак ва асфалтпуш намудани назди бино ва роҳравҳои он аз ҷумлаи дигар корҳои ободонӣ ба ҳисоб мераванд.

Мавҷуд будани майдончаи қоидаҳои ҳаракат дар роҳ бо аломатҳои ишоравӣ аз хусусияти дигари хоси кудакистон ба ҳисоб меравад, ки тариқи он кудакон метавонанд қоидаҳои ҳаракат дар роҳро аз худ намоянд.

Барафрохтани Парчами давлатӣ дар шаҳри Гулистон

Дар доираи сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Гулистон Парчами давлатиро барафрохтанд.

Барафрохтани Парчами давлатӣ дар шаҳри Гулистон 31.03.2019

Парчами давлатӣ дар маркази шаҳри Гулистон дар вазъияти тантанавӣ, бо садо додани Суруди миллӣ ва иштироки доираи васеъи сокинон партавафшон карда шуд.

Хушҳоливу болидарӯҳии сокинони шаҳрро дар ин рӯз ҳадду канор набуд. Зеро барои онҳо боз як макони истироҳату фароғат, ки дорои ҳама гуна шароит мебошад, фароҳам омад.

Баландии пояи Парчами давлатӣ 50 метр буда, дарозии  матои ин рамз ва муқаддасоти миллӣ 14 ва паҳноии он 7 метрро ташкил медиҳад.

Иншоот дар масоҳати 0,80 гектар бунёд гардида, атрофи он бо дарахтони ҳамешасабз, гулҳои рангоранг ва чароғҳои равшанидиҳанда оро дода шудааст. Майдони мазкур бо тарҳи замонавӣ ва ҷавобгӯ ба талаботи имрӯза оро ёфтаааст.

Дар майдони Парчами давлатӣ беш аз 150 бех дарахтони ороишии ҳамешасабз шинонида шудаанд ва дар маҷмӯъ шумораи дарахтони ин мавзеъ қариб 200 бехро ташкил медиҳад. Дар ду шафати Парчами давлатӣ фаввора сохта шудааст, ки масоҳати ҳар кадоми он ба 50 метри мураббаъ баробар мебошад.

Майдони Парчами давлатӣ дар ин шаҳр барои гузаронидани чорабиниҳои фарҳангӣ — оммавӣ низ басо мусоид аст.

Атрофи Парчами давлатӣ дар масоҳати 3 ҳазору 700 метри мураббаъ сафолакпӯш гардидааст.

Чароғҳои равшанидиҳанда, нишастгоҳҳои мувофиқ ба талаботи имрӯза ва дигар зебогиҳое, ки дар майдони Парчами давлатӣ ташкил гардидаанд, ба намои маркази шаҳри Гулистон ҳусни дигар зам мекунанд. Шумораи чароғҳои равшанидиҳанда беш аз 50 ададро ташкил дода, нишастгоҳҳои ин мавзеъ ба 30 адад баробар аст.

Манбаъ: Хадамоти матбуоти Президенти Ҷумҳурии Тоҷикистон

Нет комментариев

Также рекомендуем

“Бобофони”-и Ҷопони ба фурӯш баромад

Ширкати Panasonic фурӯши телефонҳои худро бо тамғаи Panasonic KX-TU150 оғоз намуд.  Ин синфи телефон махсус барои пиронсолон равона карда шуда бо тугмаҳои калон, ҳарфҳои калон ...
%d такие блоггеры, как:

Сообщить об опечатке

Текст, который будет отправлен нашим редакторам: