Ба маблағи 1 млн 100 ҳазор сомонӣ маҳсулоти пастсифат нобуд карда шуд

0
406 просмотров

Баҳри ҳимояи ҳуқуқи истеъмолкунандагон ва ҳимояи бозори дохила аз молу маҳсулоти пастсифат мутахассисони Маркази Тоҷикстандарт дар вилояти Суғд дар давоми соли 2015 ба миқдори зиёда аз 1 миллиону 100 ҳазор сомонӣ маҳсулоти гуногуни хӯрокворӣ, сохтмонӣ ва номгӯи зиёди дигар маҳсулоти пастсифат, мӯҳлати истеъмолашон гузашта ва ба талаботи стандарт номутобиқро бо иштироки комиссия нобуд карданд.

Ин далел дар ҷаласаи ҷамъбастии фаъолияти солонаи кормандони Мақомоти Тоҷикстандарт дар вилояти Суғд баён гардид. Директори Марказ Аюбҷон Бобоев изҳор дошт, ки давоми соли 2015 дар 2 ҳазору 736 субъекти хоҷагидорӣ санҷишҳои назорати давлатӣ ва такрорӣ гузаронида шуда, 402 адад камбудию қонуншиканиҳо ошкор карда шуданд. Ба 678 субъекти хоҷагидор оид ба ислоҳи камбудӣ ва манъи фурӯши маҳсулот ва хизматрасонӣ амрномаҳо дода шуданд. Зикр гардид, ки дар озмоишгоҳи маҳсулоти хӯрокворӣ ва хоҷагии қишлоқи Марказ 9 ҳазору 4 намунаи маҳсулоти ғизоии аз ташхис гузаронида шуда, 529 намунаи маҳсулот аз қабили маҳсулотҳои ширӣ, гӯштӣ, консервӣ, макарон ва меваи хушки хурмо ба талаботи стандарт номутобиқ дониста шуданд.

Laboratories

— Новобаста ба санҷишҳои давлатӣ ва чорабиниҳои тарғиботию фаҳмондадиҳии мутахассисони Маркази Тоҷикстандарт дар марказҳои савдо, нуқтаҳои фурӯш ва бозорҳо камбудию норасоиҳо вуҷуд доранд, — изҳор дошт муовини аввали директори Агентии Тоҷикстандарти назди Ҳукумати Ҷумҳурии Тоҷикистон Миралӣ Олимов. Баҳри ислоҳи онҳо корҳои тарғиботӣ бояд пурзӯр карда шуда, мутахассисони соҳа аз дастовардҳо ва навигариҳои ҷаҳони муосир, бахусус мазмуну моҳияти стандартҳо ва регламентҳои техникӣ бояд баҳравар бошанд.

tajik-food

Соли 2016-ум аз ҷониби Раиси вилояти Суғд Абдураҳмон Қодирӣ дар вилоят “Соли фарди солим” эълон карда шудааст. Он водор менамояд, ки дар самти сиҳатмандиву тандурустии шаҳрвандон эътибори бештар аз пештар диҳем. Аз ҷониби худи Мақомоти иҷроияи ҳокимияти давлатии вилоят бошад, бо ҳадафи амалӣ намудан ва шоиставу босамар гузаронидани ин сол баҳри ҳифзи сиҳатии омма, бахусус, таҷҳизонидани муассисаҳои тиббӣ бо технологияҳои наву замонавӣ, таъмиру тармими тамоми биноҳои беморхонаву дармонгоҳҳои шаҳру навоҳии вилояти Суғд маблағи муайян ҷудо гардидааст. Ҳамзамон, барои то қадри имкон таъмин намудани беморон бо доруворӣ эътибори махсус зоҳир карда мешавад.

roddom

Аллакай бо мақсади иҷрои супоришу вазифагузориҳои Раиси вилоят ва дар доираи “Соли фарди солим” Мақомоти иҷроияи ҳокимияти давлатии шаҳри Хуҷанд нақшаи махсуси андешидани чораҳои заруриро тарҳрезӣ карда, барои амалӣ намудани он тадбирҳои саривақтиро рӯи кор гирифтааст.

Ин аст, ки бо мақсади шиносоӣ аз вазъи имрӯза ва фаъолияти табибон Раиси шаҳри Хуҷанд Раҷаббой Аҳмадзода аз Таваллудхонаи шаҳрӣ боздид намуд. Таваллудхонаи мазкур соли 1996 ба истифода дода шуда, барои қабулу муоинаи 140 нафар занон дар 8 шӯъба пешбинӣ шудааст.

Бо мақсади баланд бардоштани сатҳу сифати хидматрасонӣ ва фароҳам овардани шароити мусоид барои таъмири боми бинои таваллудхона 300 ҳазор сомонӣ аз буҷаи Мақомоти иҷроияи ҳокимияти давлатии шаҳр ба назар гирифта шудааст. Ба роҳбарияти таваллудхона ва идораи сохтмони асосӣ супориш дода шуд, ки дар баробари таъмири хушсифати боми бино, ҳамчунин, корҳои ободкорию ниҳолшинонӣ, гулзоркунӣ, азнавсозии мавзеҳои истироҳатӣ, таваққуфгоҳи нақлиёт ва чароғонкунии ҳудуди таваллудхонаро низ ба нақша гиранд. Лозим ба ёдоварист, ки соли равон барои таъмиру азнавсозии муассисаҳои тиббии шаҳри Хуҷанд ва беҳтар намудани сифати хидматрасонӣ, ҳамчунин, шароити фаъолияти табибон аз буҷаи шаҳрдорӣ сарфи ду миллион сомонӣ ба нақша гирифта шудааст.

president-food

Бовар дорем, ки ин ҳама нақшаву ниятҳои неки роҳбарияти Давлату Ҳукумати Ҷумҳурии Тоҷикистон ва вилояту шаҳр ҳамаҷониба дар амал татбиқ гардида, “Соли фарди солим” ба маънои томаш ба сиҳатмандиву тандурустӣ ва табобати саривақтиву комили шаҳрвандон мусоидат менамояд.

Таманнои солимиву хонаободӣ ва саодатмандиву сарбаландии Шумо ҳастем!

Нет комментариев

Также рекомендуем