Ба наздикӣ Google Android 8.0 мебарояд

0
240 просмотров

Системаи амалиётии навбатии Google Android 8.0, ки чун Android O низ маъмул аст, ба наздикӣ арзи ҳастӣ менамояд. Маҳфуми рамзи «О» дар ОС-и нав ҳоло маълум карда нашудааст. Коркардчиён тасдиқ мекунанд, ки агар ҳоло дигарон аз рамзикунонии Android Oatmeal Cookie худдорӣ карда истода бошанд, ин ҷо аллакай сухан дар бораи Android Oreo меравад. Навигарӣ дар бораи Android O мунтазам дар медиа баромада меистанд. Аз ҷумла тафсирҳои яккум, дуюм ва сеюми коркардчиён, ки аз ба наздикӣ баромадани тафсири ниҳоии ОС шаҳодат медиҳанд. Ёдовар мешавем, ки моҳи марти соли ҷорӣ тафсири нахустини коркардчиён бо маҷмӯи навгониҳои муайян баромада буд. Дар миёнаҳои моҳи май тафсири дуюми коркардчиён баромад, ки бо худ боз ҳам бештар манбаи нав овард.

Тафсири сеюм Android O Developer Preview барои дастгоҳҳои Nexus 5X, Nexus 6P, Nexus Player, Pixel C, Pixel ва Pixel XL моҳи июн дар интернет пайдо шуд. Санаи баромадани тафсири чоруми ниҳоӣ айни замон маълум нест. Google тасдиқ намуд, ки Android 8.0 дарҳол пас аз баромадани охирин намуди Developer Preview дар чоряки сеюми ҳамин сол дастрас мегардад. Бо назардошти он, ки чоряки сеюми сол аллакай фаро расид, месазад, ки баромадани тафсири чоруми коркардчиёнро дар вақтҳои наздик мунтазир шавем. Аз эҳтимол дур нест, ки он аллакай ҳамин моҳ барояд.

Интизор меравад, ки Android 8.0 бо номи рамзии Oreo дорои бисёр функтсияҳои нав мегардад. Аз ҷумла дастгириёбии picture-in-picture, навшавии нишонаи замимаҳо, дастгириёбии пуршавии автоматикӣ, нтихоби нисбатан васеи матн, кулан беҳтар гардидани системаи огоҳикунанда ва ғайра.

Нет комментариев

Также рекомендуем