Ба ғолиби мусобиқаи вилоятии “Маҳаллаи беҳтарин” 50 000 сомонӣ мукофотпулӣ тақдим мешавад

75

Бо мақсади сазовор ҷашн гирифтани 25-солагии Иҷлосияи XVI Шӯрои Олии Ҷумҳурии Тоҷикистон, фароҳам овардани шароити мусоид барои рушди иқтисодию иҷтимоии минтақаҳои вилоят, ободонӣ, бунёдкорӣ, ҳифзи анъанаҳои миллӣ, фарҳанг ва таъриху тамаддуни тоҷикон дар вилояти Суғд мусобиқаи вилоятӣ оид ба муайян намудани маҳаллаи беҳтарин гузаронида мешавад. Дар ин бора қарори Раиси вилояти Суғд аз 12 майи соли 2017, №228 ба тасвиб расида, низомнома, ҳайати комиссияи вилоятӣ барои муайян намудани ғолибони мусобиқаи «Маҳаллаи беҳтарин» тасдиқ карда шудааст. Мусобиқаи вилоятии «Маҳаллаи беҳтарин» бо мақсади муайян намудан ва баҳо додан ба корҳои ободонӣ, кабудизоркунӣ, гулзоркунӣ, сохтмону таъмири иншооти иҷтимоӣ, роҳҳои маҳҳалӣ, таъминот бо оби нӯшокӣ дар маҳаллаҳои шаҳру ноҳияҳои вилоят то санаи 1 ноябри соли 2017 гузаронида мешавад. Ғолибони мусобиқа бо Шаҳодатнома, бо навиштаҷоти “Ғолиби мусобиқаи вилоятии маҳаллаи беҳтарин, ба муносибати 25-солагии Иҷлосияи XVI Шӯрои Олии Ҷумҳурии Тоҷикистон”  ва маблағҳои пулӣ мукофотонида мешаванд. Ба соҳиби ҷойи аввал 50 000 сомонӣ мукофотпулӣ дода мешавад. Соҳибони ҷойҳои дуюму сеюм бо 30 000 сомонӣ ва 10 000 сомонӣ қадршиносӣ мегарданд.

               Манбаъ: www.sugd.tj

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.