Ба ғолибони озмунии вилоятии “Маҳаллаи беҳтарин” мукофотпулӣ тақдим мешавад

0
40 просмотров

Бо мақсади сазовор ҷашн гирифтани солгарди Истиқлолияти давлатии Ҷумҳурии Тоҷикистон, фароҳам овардани шароити мусоид барои рушди устувори иқтисодию иҷтимоии минтақаҳои вилоят, ободонӣ, бунёдкорӣ, ҳифзи анъанаҳои миллӣ, фарҳанг, таъриху тамаддуни тоҷикон ва ба истиқболи ҷашни 30-солагии Истиқлолияти давлатии Ҷумҳурии Тоҷикистон дар вилоят озмуни вилоятии “Маҳаллаи беҳтарин” гузаронида мешавад.

Дар ин бора қарори Раиси вилояти Суғд аз 1 августи соли 2018, №319 ба тасвиб расидааст.

Дар рафти мусобиқа нишондиҳандаҳои зерин ба ҳисоб гирифта мешавад:

-корҳои сохтмонӣ;

-мақсаднок истифодабарии қитъаҳои замини ёрирасони ҳудуди маҳалла;

-корҳои ободонӣ ва кабудизоркунӣ;

-ҳолати муҳити зист;

-ҳолати боғҳои истироҳатию фароғатӣ;

-вазъи гулзор ва кабудизоркунии пешорӯи ташкилоту муассисаҳо, корхонаҳо ва марказҳои савдо;

-гулзор намудани пешайвонҳои хонаҳои баландошёна;

-ободонии роҳу кӯчаҳо;

-таъминот бо оби нӯшокӣ.

Натиҷаи мусобиқа то 1 сентябри соли 2018 ҷамъбаст гардида, ба барандагони ҷойҳои якум, дуюм ва сеюм Шаҳодатнома ва мукофотпулӣ дар ҳаҷми 50 000 сомонӣ, 30 000 сомонӣ ва 10 000 сомонӣ тақдим карда мешавад.

Хадамоти матбуоти
Раиси вилояти Суғд

Нет комментариев

Также рекомендуем

Маълумотҳои аҷоиб оид ба хирсҳо

Хирс яке аз даррандаҳои бадхашм дар олами табиати вахшӣ мебошад. Вай ҳайвони нисбатан қадима маҳсуб ёфта, гузаштагони вай 22 миллион сол пеш дар ҳудуди Европа ...