Замимаи Mathpix, ки муодилаи дар смартфон аксбардоришударо ҳал мекунад, онро хатмкунандагони донишгоҳи Стэнфорд коркард намудаанд. Онро ройгон дар App Store дастрас кардан мумкин аст, хабар медиҳад Motherboard.
Агар аксбардорӣ намудан мумкин бошад, пас фикр кардан чӣ лозим?
Барои истифода бурдани барнома муодиларо дар рўи варақ навиштан лозим аст ва баъдан онро аксбардорӣ намуда, ба замима ворид менамоед. Mathpix матнро шинохта, маълумотҳои асосии онро таҳлил менамояд ва баъдан ҳама намуди роҳи ҳалли вариантҳои имконпазири муодиларо (агар онҳо мавҷуд бошанд) бароварда медиҳад.
Mathpix дилхоҳ муодиларо ҳал мекунад.
Mathpix на танҳо барои мактабхонҳо, балки барои донишҷўёну мутахассисон низ лозим мешавад. Замимаи мазкур масъалаҳои алгебра, тригонометрия ва муодилаҳои интегралиро ҳал карда, натиҷаҳои зина ба зинавии онро пешниҳод мекунад. Он инчунин шарҳ медиҳад, ки барои чӣ чунин роҳи ҳал кардани масъала нисбатан самаранок аст.
Ҳисоббарорӣ дар асоси замима — система интеллекти сунъӣ дар хадамоти коркардчиён гузаронида мешавад. Он мисолҳои истифодабарандагон ҷойгирнамударо меомўзад ва дар асоси он интеллекти худро сайқал дода, «донотар» мешавад.
Нет комментариев