Бабри барфӣ ҳайвони камшумули баладкӯҳҳо

0
173 просмотров

Мақоми ҳифз

Дар зери таҳдиди маҳвшавӣ қарор дорад. Ба рӯйхати сурхи ИБҳТ ва замимаи Конвенсияи «Дар бораи савдои байналхалқии намудҳои флора ва фаунаи ёбоӣ, ки дар зери таҳдиди маҳвшавӣ қарор доранд» (CITES) дохил гардидааст.

Паҳншавӣ

Дар қаторкӯҳҳои Туркистон, Зарафшон, ҳисор, Қаротегин, ҳазратишоҳ, Вахш, Дарвоз, Академияи илмҳо, Петри I, Ванҷ, Язгулом, Рӯшон, Шоҳдара, Пшарт, Музкол, Сарикол, Аличури Ҷанубӣ ва Шимолӣ, Вахон ва Пасиолой вомехӯрад. 70% масоҳати паҳншавии бабри барфӣ дар ҳудуди Бадахшон ва Помир ҷойгир шудааст.

Муҳити сукунат

Мавзеъҳои хоси зисти бабри барфӣ дар баландиҳои 2000 то 5200 метр аз сатҳи баҳр ҷойгир шудаанд. Дар марғзорҳои субалпӣ ва алпӣ, нишебиҳои тез, дараҳои чуқур, харсангҳо ва сангтӯдаҳо сукунат менамояд. Дар ҳудуди Помири Шарқӣ асосан дар минтақаи марғзорҳои алпии харсангдор вомехӯрад.

Саршумор

То нимаи солҳои 60-уми асри гузашта саршумори бабри барфӣ

дар Тоҷикистон 1000 фард баҳогузорӣ гардидааст. Дар давоми солҳои 1953-1965 ба нуқтаҳои пустқабулкунии ҷумҳурӣ 450 адад пӯсти бабри барфӣ ворид гардидааст. Саршумори бабри барфӣ дар Тоҷикистон тақрибан 250 сарро ташкил медиҳад.

Хусусиятҳои биологӣ

Тарзи ҳаёти ҷудогона мегузаронад ва дар мавридҳои алоҳида гурӯҳҳои хурди иборат то 6 фардро ташкил медиҳад. Аз 1 то 5 бача таваллуд мекунад. Аз охири моҳи январ то миёнаи моҳи март ҷуфт мешавад. ҳомиладорӣ 93-110 рӯз давом мекунад. Дар дусолагӣ ба балоғати ҷинсӣ мерасад.

Омилҳои маҳдудкунанда

Шикори ғайриқонунӣ, маҳдуд гардидани саршумори туъма, таназзули муҳити сукунат

Парвариш дар шароити сунъӣ

Дар шароити сунъӣ хуб парвариш меёбад ва афзоиш мекунад. Дар аксар боғҳои ҳайвоноти дунё ва марказҳои парвариши ҳайвонот нигоҳубин карда мешавад.

Тадбирҳои ҳифз

Пурзӯр намудани мубориза бар зидди шикори ғайриқонунӣ, таҳияи чорабиниҳо оид ба паст намудани хатари дарафтидани бабри барфӣ ба чорвои хонагӣ, ҳамкории байнисарҳадӣ оид ба ҳифзи ҳайвоноти ваҳшӣ, таблиғ донишҳо дар байни омма.

Мавод аз нашри нави “Китоби Сурх”-и Тоҷикистон

Таҳиягар Ашӯров Шодмон

Нет комментариев

Также рекомендуем

В ОАЭ запретили держать дома диких животных

Новый закон, введенный в ОАЭ, запрещает содержать дома диких и опасных животных, нарушителей ждут строгие наказания, сообщает издание The National. Согласно закону, только зоопарки, цирки и исследовательские и селекционные ...