Бадахшон – сайри ҷаҳон

0
63 просмотров

Ҳоло  таваҷҷуҳи сокинони мамлакат ва бисёр шаҳрвандони хориҷӣ ба Бадахшони кӯҳӣ нигаронида шудааст ва инро ду сабаб аст: аввалан,  дар ин рӯзҳо сафари навбатии кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин гӯшаи дурдаст, дилпазир ва ҷаззоби кишварамон идома дорад; сониян, имсол Соли рушди сайёҳӣ ва ҳунарҳои мардумӣ эълон гардидааст ва азбаски Бадахшон манзараҳои саёҳатбоб ва  ҳунарҳои мардумии хоси худро дорад, вақтҳои охир теъдоди сайёҳони хориҷӣ, ки майли  тамошои   «Боми ҷаҳон» мекунанд, торафт меафзояд. 

Хоруғро шаҳри тангу хурд номидан чандон дуруст нест. Дар домани соҳили дарёҳо шаҳри зебову диққатрабоест. Агар он шабу рӯз дар Душанбе гармии ҳаво то 40-43 дараҷа расад, ин ҷо дар бораи гармӣ қариб, ки фикр намекунед. Чунин ба назар мерасад, ки Хоруғ шаҳри сайёҳист. Меҳмонон бештар ин шаҳҳро пур сохтаанд. Зуд-зуд ба чашм меҳмонхонаҳои замонавии хурде ба назар мерасанд, ки барои қабули меҳмонон омода шудаанд. Аҷобати сафар бо роҳи кӯҳӣ хеле зиёд буд. Муҳимтарину ҷолибтарин мушоҳида ин ба чашм расидани сайёҳони хориҷие буд, ки дучархасавор пеш мераванд. Онҳо бештар ҷуфт-ҷуфт ба назар мерасиданд. Дар баъзе мавридҳо панҷ-шаш нафарӣ равон будани онҳоро низ медидем. Аз мушоҳидаи онҳо нахустин хулоса он аст, ки кишвари мо тинҷу осуда аст ва онро ҷаҳониён чун як минтақаи амну сайёҳӣ пазируфтаанд. Гоҳе аз тирезаи мошин ба онҳо менигарем, ки хандону хушҳол дастафшонӣ мекунанд. Дар мавзеъҳои тамошобоби ҷаззоб онҳо таваққуф намуда, табиати моро наззора мекунанд. Дар баъзе ошхонаҳои кӯҳии камодам бо онҳо якҷоя хурок тановул менамоем. Касоне, ки каму беш забони англисиро медонанд, бо онҳо ҳамсӯҳбат мешаванд. Онҳо бештар аз Аврупову Амрико мебошанд.

Сафар кардан дар диёри худ дар ҳақиқат фараҳзост ва махсусан чун ба ин гуна сафари тӯлонитар мебароед, эҳсос мекунед, ки Тоҷикистон ҳеҷ гоҳе кӯчак нест. Шаҳри Душанбе, ноҳияҳои Ваҳдат, Норак, Данғара, Восеъ ҳар кадом ба монанди навори сабтшуда пеши чашм ба ҷилва меоянд.

Бадахшони кӯҳсор гӯшаи зебои Тоҷикистон алакай чун як минтақаи сайёҳӣ нуфуз пайдо кардааст ва барои ҳар як меҳмони дохиливу хориҷӣ ин мавзеъ барои сайру сайёҳат меарзад. Зеро Бадахшон бо осмонбӯс будани қуллаҳои худ — ин худ аллакай сайри ҷаҳон аст…

Нет комментариев

Также рекомендуем

Агар имкон медоштанд, аз се як ҳиссаи истифодабарандагон дўстон ва наздикони худро ба смартфон иваз мекарданд.

Мутахассисони Донишгоҳи Вюртсбург ва Донишгоҳи Ноттингем Трент тадқиқоте гузарониданд, ки натиҷаҳои он нисбатан ғайричашмдошт баромаданд. Ҳамин тавр, аз се як ҳиссаи пурсишшудагон изҳор доштанд, ки ...