Баъди тӯи хонадоршавӣ ин ҷуфти навхонадорон орзуҳоеро, ки аксари мо орзу мекардем, ба ҳаёт татбиқ карданд

0
77 просмотров

Метт ва Джесика Ҷонсон оила бунёд карданд ва баъдан он чиро ки ягон одам аз иҳотаи онҳо ин чизро умедвор набуд, карданд – онҳо хонаашонро фурӯхтанд, касби муваффақи менеҷер ва мутахассиси корҳои молияро каноре гузоштанд, кишти (яхта) – и наонқадар  калонро хариданд ва ана аллакай 8 сол аст, ки бо ҳамроҳии гурбаи худ Ҷорҷ сайри баҳрҳо доранд.

Тақрибан ба 1000 $ барои ду кас  моҳе барои зиндагӣ масраф карда, сайёҳон аллакай аз 16 мамлакат дидан карданд, аз он ҷумла дар ҷазираҳои Багам, Ямайка, Куба ва Перу. Ва бо ин ҳама  онҳо нияти бозистодан надоранд.

«Ин тобистони 2007 рух дод. Мо дар кӯли Мичиган истироҳатдоштем ва ман Мэттро ҳангоми  қаиқҳои баҳрро тамошо доштанаш, пайдо кардам», – ба хотир меоварад Ҷессика.

«Баъдан ӯ ба ман нигоҳ карда пурсид: «Хайр, Ҷес, мо ҳоло метавонем соҳиби хона шавем ва ё ҳамаи пасандозҳои худро ба қаиқ масраф намоем. Чӣ фикр дорӣ, кадоме беҳтар?» Ҳамин тавр мо қарор додем, ки фасли тобистонро дар об гузаронидан мехоҳем».

«Июни соли 2011 мо хонаи худро фурӯхтем… Ва ҳамон вақт дарк кардем, ки ба саёҳате баромадан мехоҳем,ки тамоми зиндагии моро дигар мекунад. Чӣ қадар он тӯл мекашад, 5 сол ё 6 сол зиёдтар аз ин, – муҳим нест».

«Мо Ҷорҷро соли 2012 ёфтем. Ба ӯ аъзои даста будан хеле хуб даст медиҳад. Дар вақти тӯфон ё вазъи нохуби обу ҳаво бошад, аз мо дида, вай бо пойи худ боз ҳам мустаҳкамтар истоданро ирода мекунад».

«Сайру сайёҳат муносибати моро мустаҳкамтар  намуд. Инҷо, дар саҳни киштӣ барои аз якдигар ранҷидан вақт нест. Барои он ки мо дар як дастаем».

«Зиндагии мо намунаи типии орзуи амрикоӣ буд: Ба мактаб, донишгоҳ меравӣ, ба шавҳар мебароӣ, хона мехарӣ, ба касбе муваффақ мешавӣ».

«Лек сипас мо дарк кардем, ки вақти зиёди худро сарфи тамошои бемайлони оинаи нилгун кардем, на ягон чизи арзанда офаридем ва  на ягон хел таассуроти ҳаққиқӣ ба даст овардаем. Мо хостем инро тағйир диҳем. Ва тағйир додем.»

Манбаъ: http://www.adme.ru/svoboda-puteshestviya/

Нет комментариев

Также рекомендуем