Барги ғор

0
705 просмотров

Барги ғор – ин барги хушконидашудаи дарахт ё буттаи ҳамешасабзи ғор буда, дар соҳили баҳри Миёназамин, баҳри Сиёҳи Кавказ ва Соҳили Ҷанубии Қрим мерӯяд. Дар аксари вақт баландии  дарахти ғор ба 18 метр расида, синну соли онҳо аз 400 сол болотар мешавад. Баландии дарахти ғор, ки баргҳои онро дар хӯрокпазӣ истифода мебаранд, 3 метр мебошад. Оё шумо медонед, ки дар замонҳои қадим барги ғорро дар об ҷӯшонида, бо он об дастонро пеш аз истеъмоли таом мешустанд. Барги ғорро  болои дари даромад меовехтанд, бо умеди он, ки ба он хонадон таъсири чашми бад нарасад. Танҳо дар асри якуми мелодӣ барги ғорро ба хӯрок ҳамроҳ мекардагӣ шуданд.

Дар замони мо ҳам, барги ғорро ҳангоми хӯрокпазӣ васеъ истифода мебаранд. Ширкатҳои «Сукория Эс А, 8 дарё, Трапеза, Камыс, Котания» барги ғорро ба фурӯш пешкаш кардаанд. Дар таббоҳи махсусан баргҳои сабзи хушбӯй ва талхмаззаи он пурқимматанд.

Чӣ тарз бояд барги ғорро интихоб кард?

Азизони дил, ба маслиҳатҳои мо диққат диҳед:

—   Ҳангоми харидорӣ намудан ба қуттии барги ғор аҳамият диҳед. Дар он бояд мӯҳлати нигоҳдории  барги ғор муайян карда шуда бошад. Агар барги ғор кӯҳна шуда бошад, хӯрокатон маззаи талхро мегирад.

—     Мувофиқи талаботи стандарт дар қуттии барги ғор на бештар аз 6% шохчаҳо, то 3% баргҳои зардчатоб шуданаш мумкин аст.

—      Дарозии барги ғор 5-6 см буда, васеъгиаш 2-3 см бояд ташкил диҳад.

Агар шумо барги ғорро дуруст интихоб намоед, таоматон дорои таъму бӯйи хуш мегардад. Онро ба шӯрбо, карамшӯрбо, таомҳои аз гӯшти гову гӯсфанд дампазшуда, ба моҳии қимма ва ғайра андозед, хато намекунед. Одатан, барги ғорро ба таомҳои якум 5 дақиқа пеш аз пухтан, ба таомҳои дуюм 10 дақиқа пеш аз тайёр шудан меандозанд; дар ҳолати барвақттар андохтан таъми хӯрок талх мегардад. Дар хотир доред, ки танҳо ба таомҳои аз паррандаҳо тайёр карда шуда, барги ғорро ҳамроҳ намекунанд.

Барги ғорро, албатта дар зарфи сарпӯшдор ва ҷойи хушк нигоҳ  доред, то ки он намиро ба худ нагирифта, бӯйи худро гум накунад.

Барги ғорро барои табобати бемориҳои ревматизм, асаб, дарди буғумҳо низ васеъ истифода мебаранд.  Умуман, чи хеле ки шинос гаштем барги ғор ба намуд барги оддӣ, лек дар асл -барги сеҳрнок мебошад.

           Умедворем, баъд аз шунидани маслиҳатҳои муфиди мо, барги ғорро истифода мебурдагӣ мешавед.

 

Нет комментариев

Также рекомендуем

Разрушительное землетрясение магнитудой 7,2

Число погибших в результате землетрясения в провинции Керманшах на западе Ирана возросло до 445, порядка 6,7 тысячи человек пострадали, заявил замглавы службы по кризисным ситуациям ...
%d такие блоггеры, как: