Баргузории Фестивал – озмуни «Суруди сарбоз» дар шаҳри Хуҷанд

0
112 просмотров

Дар толори Муассисаи давлатии «Кохи фарҳанги Суғдиён» — и маркази вилоят ба ифтихори 26-солагии таъсисёбии Қувваҳои мусаллаҳи Ҷумҳурии Тоҷикистон Фестивал – озмуни «Суруди сарбоз» баргузор гардид.

Дар чорабинӣ муовини Раиси вилояти Суғд Назира Ғаффорӣ иштирок намуда, номаи табрикотии Раиси вилояти Суғд Раҷаббой Аҳмадзодаро ба самъи ҳозирин расонда аз ҷумла таъкид дошт, ки “Артиши миллии мо дар шароити хеле ҳассоси пойдоршавии давлати мустақил ташаккул ёфта, аз рӯзи таъсисёбӣ чун рукни муҳими давлати тозаистиқлоли тоҷикон барои истиқрори сулҳу субот дар кишвар, ҳифзи истиқлолият ва якпорчагии давлати Тоҷикистон саҳм гузошт.Тайи ин муддат афсарону сарбозон ва кулли хизматчиёни ҳарбӣ дарси мардонагию шуҷоатро азхуд намуда, соҳиби таҷрибаи бойи касбӣ шуданд. Фарзандони асили вилоят, дар қатори ҳазорҳо ҷавонони минтақаҳои дигари ҷумҳурӣ, бо садоқат ва имони комил, бо даъвати виҷдону супориши Ватан дар сафҳои Артиши миллӣ баҳри адои қарзи фарзандӣ камар бастанд”.

Раиси шаҳри Хуҷанд Маъруф Муҳаммадзода зимни суханронии худ иброз дошт, ки ба шарофати далериву шуҷоат ва фидокориву ҷоннисориҳои хизматчиёни ҳарбӣ — фарзандони бонангу номуси Ватан дар кишвари азизамон ҳокимияти қонунӣ барқарор гардида, барои сулҳу суботи устувор заминаи мустаҳкам фароҳам оварда шуд. Дар даврони муқовиматҳои мусаллаҳона ва саркўб намудани ошўбҳои исёнгаронаи хоинону душманони миллати тоҷик ҳазорон нафар хизматчиёни ҳарбии Қувваҳои мусаллаҳ ҷони худро аз даст доданд. Давлату Ҳукумат фидокориву ҷонбозиҳои афсарону сарбозони шуҷои Ватанро ҳаргиз фаромўш намекунанд ва хотираи неки ҷавонмардонеро, ки барои барқарор намудани сохти конститутсионӣ, пойдории сулҳу субот, ҳимояи марзу буми Ватан ва ҳифзи зиндагии орому осоиштаи сокинони мамлакат ҷони худро нисор кардаанд, ҳамеша пос медоранд.

Дар рафти чорабинӣ дастаҳои қисмҳои низомӣ аз рӯйи номинатсияҳои хорсароён ва компазиатсия адабӣ сурудҳои ватандӯстонаи худро пешниҳод намуданд. Дар натиҷаи баҳогузории ҳакамон ҷойи аввалро афсарону сарбозони қисми низомии 3501, ҷойи дуюмро қисми низомии 01972 ва мақоми сеюмро қисми низомии 0235 ба даст оварданд. Ба ғолибон туҳфаҳои хотиравӣ тақдим карда шуд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: