Баргузории ҷаласаи ҷамъбастӣ

2
259 просмотров

чаласаРӯзи гузашта, дар толори мақомоти иҷроияи ҳокимияти давлатии вилоят таҳти раёсати Раиси вилоят Абдураҳмон Қодирӣ ва иштироки доираи васеи фаъолон ҷаласаи ҷамъбасти рушди иқтисодиву иҷтимоии вилоят дар соли 2014 баргузор гардид.

Дар оғози ҷаласа вобаста ба нишондиҳандаҳои хоҷагии халқи вилоят дар соли гузашта муовини Раиси вилоят Анвар Яъқубӣ гузориш дод. Тавре таъкид шуд, дар мамҷӯъ рушди бонизоми иқтисодиву иҷтимоии вилоят дар ин давра таъмин гардидааст ва дар заминаи иҷрои муҳимтарин иқдомҳои мақомоти иҷроия аз қабили гузаронидани ислоҳоти замин ва таҷдиди хоҷагиҳои калонҳаҷм, барқарорсозии иқтидори корхонаҳои калони саноатӣ, таъсиси коргоҳҳои нав, ободонии роҳҳо ва эҳёи ҳунарҳои анъанавӣ нишондиҳандаҳои хуби истеҳсолӣ ба даст омадаанд.

Маҷмӯи маҳсулоти минтақавии вилоят дар ин давра ба 11 миллиард сомонӣ баробар шудааст, ки 106,6 дарсадро нисбат ба соли 2013 ташкил медиҳад. Аз 566 корхонаи  саноатӣ, 416 адад, ё худ 72,6 фисад суръати афзоишро таъмин намуда, 121 корхона ба пастравии истеҳсолот роҳ додаанд. Шумораи корхонаҳои  аз фаъолият бозмонда дар соли 2014 ба 34 адад расидааст.

Кишоварзони вилоят бошанд дар ҳаҷми  5 миллиарду 678,3 миллион сомонӣ маҳсулот  истеҳсол кардаанд, ки нисбат ба соли 2013 — 130,4 дарсадро ташкил медиҳад.

Яке аз иқдомҳои назаррас дар ин сол азхудкунии дашти Сомғор мебошад, ки дар натиҷаи амалӣ намудани марҳилаи аввали он барои 1000 гектар ба ин мавзеъ об бароварда шуда, ҳадаф бунёди шаҳраки нав ва боғҳои интенсивӣ дар ин мавзеъ мебошад. Ҷиҳати иҷрои барномаи вилоятии роҳҳои обод 2826 км роҳҳо таъмиру тармим карда шуданд, ки нисбат ба нақшаи барномавӣ 120,2% ва нисбат ба роҳҳои дар соли 2013 таъмиршуда 191,9 %-ро ташкил дод. Бояд қайд кард, ки дарозии роҳҳои пурра мумфаршуда нисбат ба соли 2013 — 2,8 маротиба зиёд аст.

Дар рафти ҷаласа роҳбарони як қатор шаҳру навоҳӣ ва раёсату идораҳо ва раисони ҷамоатҳо мавриди пурсиш қарор дода шуданд. Дар поёни ҷаласа роҳбари вилоят дар назди фаъолон барои фаъолияти минбаъда вазифаҳои мушаххас гузошт. Аз ҷумла, ҷиҳати иҷрои босифати нақшаи ҷамъоварии андозҳо, назорати воридоти гандум ва коркарди он дар вилоят, таҳия ва қабули барномаи сесола оиди бо шуғл фаро гирифтани неруи қобили корӣ ва 135 фоиз таъмин намудани ҳаҷми маҳсулоти саноатӣ дар соли равон ба масъулин дастур дода шуд.

Соли 2015 дар заминаи эълон шудани соли гулҳо ва соли рушди фарҳанг баргузории озмунҳои мухталиф дар байни шаҳру навоҳӣ ва ҷамоатҳо дар назар дошта шудааст. Роҳбари вилоят ҳамзамон фаъолонро барои омодагӣ ва дар сатҳи баланд таҷлил намудани Наврӯзи байналмилалӣ ҳидоят намуд. Дар ин бора sugd.tj  иттилоъ медиҳанд.

2 comments

Опубликовать новый комментарий

Также рекомендуем