Баргузории озмуни вилоятии “Тарроҳи беҳтарини либосҳои миллӣ — Хандаи ҳусн”

0
735 просмотров

Дирӯз дар Кохи Рӯдакии шаҳри Хуҷанд  озмуни вилоятии “Тарроҳи беҳтарини либосҳои миллӣ — Хандаи ҳусн” баргузор шуд.

Муовини Раиси вилояти Суғд Назира Ғаффорӣ ба макони баргузории озмуни вилоятӣ ташриф оварда, нахуст дар даромадгоҳи Кохи Рӯдакӣ бо маҳсули кори ҳунармандони марказҳои таълимӣ-истеҳсолӣ, маҳсули кори рассомон, ғолибони озмуни вилоятии «Меҳнати хонагии занону духтаронро эҳё мекунем» ва матоъҳои истеҳсолкардаи коргоҳи «Хуҷандатлас» шинос гардид.

Назира Ғаффорӣ зимни сӯҳбат дар ҳузури намояндагони ташкилоту муассисаҳои вилоятӣ, муовинони раисони шаҳру ноҳияҳо, мудирони шӯъбаю бахшҳои кор бо занон ва оилаи шаҳру ноҳияҳо, мудирони шӯъбаҳои САҲШ, фарҳанг, намояндагони ташкилотҳои ҷамъиятӣ, адибон, ташкилотҳои байналмилалӣ, гирандагони Гранти Президентӣ, Гранти Раиси вилоят, собиқадорон ва аъзоёни Шӯрои фаъолзанони вилоят, соҳибкорон, бонувони ҳунарманд, ВАО ва намояндагони шаҳру ноҳияҳо изҳор дошт: «дар ин рӯзҳои пурфайзе, ки мардуми соҳибиқболи кишварамон, аз ҷумла сокинони вилояти Суғд ба ифтихори ҷашни 24-солагии Истиқлолияти давлатии Ҷумҳурии Тоҷикистон, соли 2015 «Соли оила» таҳти ҳидояти шоёни Сарвари давлат Ҷаноби Олӣ, мӯҳтарам Эмомалӣ Раҳмон  омодагии ҳамаҷониба доранд, корҳои ободониву созандагӣ дар вилоят вусъати тоза гирифтааст».

Ба таъкиди муовини Раиси вилоят озмуни «Тарроҳи беҳтарини либосҳои миллӣ-Хандаи ҳусн» бо назардошти танзими муносибатҳои оилавӣ, тарғиб ва эҳёи анъанаҳои миллӣ, тарғиби сару либос аз матои табии атласу адрас бо истифодаи сабку услубҳои миллии дӯзандагӣ дар байни аҳолӣ, хоса ҷавонон, ҳамчун намунаи барҷастаи таҷассуми фарҳанги миллӣ бо ҳадафи эҳёи арзишҳои тамаддуни таърихии тоҷикон баргузор мегардад.

Н. Ғаффорӣ ҳамзамон иброз дошт, ки мардуми тоҷик дар бофту дӯхти навъҳои либос ва таҳияи маводи он тавассути атласи миллӣ маҳорати хос доранд ва матои атлас аз нуфузи зиёд бархурдор аст. Ин аст, ки дар айёми бархӯрди тамаддунҳо ба атласу адрас ҳамчун либоси миллии тоҷикӣ таваҷҷӯҳи махсус зоҳир мешавад.

Таъкид шуд, ки роҳбарияти Мақомоти иҷроияи ҳокимияти давлатии вилоят дар идомаи чунин тадбирҳои муҳим пайваста талош бар он меварзад, ки коргоҳҳои истеҳсол ва дӯхти атлас бо усулҳои муосир дар шаклу намудҳои  мухталиф ба роҳ монда шуда, истеҳсоли он ташаккул ва рушд намояд. Имрӯзҳо дар ҳамаи шаҳру ноҳияҳои вилоят марказҳои таълимӣ ё сехҳои қолинбофию адрасбофии дастӣ ва сӯзанидӯзӣ ташкил ёфта, айни ҳол дар вилоят 53 адад маркази таълимии атласу адрасбофӣ, 69 адад маркази таълимии қолинбофӣ ва 26 адад сӯзанидӯзӣ амал мекунанд. Соли ҷорӣ 3323 нафар занону духтарон дар марказҳои номбурда ҳунарҳои атласу адрас ва матоъбофӣ, қолинбофию сӯзанидӯзиро омӯхта, соҳиби ҳунар ва сертификат гаштаанд, ки ин аз фаъолияти самараноки чунин марказҳо гувоҳӣ медиҳад.

Сипас дар даври вилоятии озмун беҳтарин тарроҳ – амсиласозон ва дизайнерони либос аз рӯи номинатсияҳои «либосҳои рӯзмарра», «либосҳои кӯдакона», «либосҳои расмӣ», «либосҳои маросимӣ ва идона» маҳсули дасти худро ба намоиш гузоштанд. Дар натиҷа ба 12 нафар ғолибон дар ҳаҷми аз 500 то 2 ҳазор сомонӣ мукофотпулиҳо тақдим карда шуд.

Дар бахши “Тарроҳи беҳтарини соли 2015” бошад Мукаррам Акбарова аз шаҳри Конибодом ғолиб омад ва бо 3 000 сомонӣ мукофотпулӣ қадршиносӣ шуд.

Дар ин бора http://sugd.tj/index.php/tj/navidi-sugd/5268-tarroh хабар медиҳад.

 

Нет комментариев

Также рекомендуем

Асал аз ҳама ширинии беҳтарини табиӣ

Асал на ин ки бомазза, балки фоиданок аст. Ҳатто духтурон онро ба беморон тавсия медиҳанд. Дар таркиби он витаминҳои гуногун ва микроэлементҳои фоидабахш мавҷуд мебошанд. ...
%d такие блоггеры, как:

Сообщить об опечатке

Текст, который будет отправлен нашим редакторам: