Рӯзи шанбеи 28 феврал бо ташаббуси мақомоти иҷроияи ҳокимияти давлатии вилояти Суғд дар майдони Театри мусиқӣ-мазҳакавии ба номи Камоли Хуҷандии маркази вилоят ярмарка — фурӯши ниҳолҳо, кӯчату тухмии гулҳо ва дигар зироатҳои кишоварзӣ доир гардид.
Ярмарка — фурӯши ниҳолҳо бахшида ба фарорасии фасли баҳор ва бо мақсади муташаккилона гузаронидани маъракаи кабудизоркунӣ ва ободонӣ дар шаҳру ноҳияҳои вилоят дар соли 2015 ва расонидани ёрии амалӣ ба хоҷагиҳои кишоварзию деҳқонӣ, аҳолӣ ва ташкилоту идораҳо дар корҳои ободонӣ, кабудизокунӣ ва бунёди боғу токзорҳои нав баргузор гардид. Дар он хоҷагидорону кишоварзони шаҳру навоҳии вилоят, ки ба истеҳсоли ниҳол, кӯчату тухмии гулҳо ва дигар зироатҳои кишоварзӣ машғуланд, иштирок ва барои сокинон ниҳолу кӯчату тухмии гулҳоро пешниҳод намуданд.
Дар ин рӯз зиёда аз 800 ҳазор ниҳоли ороишии ҳамешасабз, мевадиҳанда, сояафкан, гулу бутта ва тухмии зироатҳо пешкаши харидорон гардонида шуд. Инчунин нуқтаҳои маслиҳатии олимону мутахассисони соҳа роҷеъ ба парвариши ниҳолҳо ва зироатҳо ташкил карда шуд, ки шаҳрвандон аз онҳо низ истифода бурданд.
Бо мақсади қадршиносӣ аз меҳнати ниҳолпарварон иштирокчиёни фаъоли чорабинӣ аз рӯи се номинатсия — навъҳои гуногуни ниҳолҳои мевадиҳанда, ниҳолҳои дарахтони ороишӣ ва сояафкан, инчунин гулу гулбуттаҳо бо мукофотҳо сарфароз гардонида шуданд. Аз ҷумла,
Раиси вилояти Суғд Абдураҳмон Қодирӣ низ дар ин ярмарка иштирок ва аз растаҳои ниҳолҳои шаҳру ноҳияҳо ва хоҷагиҳои ниҳолпарвар дидан кард. Зимни боздид Абдураҳмон Қодирӣ, ки худ мутахассиси соҳаи кишоварзӣ мебошад, оид ба шаклгирии ниҳолҳои гуногун ба ниҳолпарварон маслиҳатҳои муфид дода, барои вусъати корҳои кабудизоркунӣ ба масъулин дастур дод.
Лозим ба ёдоварист,ки дар намоиш-фурӯш аз 11 шаҳру ноҳияҳои вилоят, хоҷагиҳои деҳқонӣ, соҳибкорони инфиродӣ ва аҳолӣ бо маҳсулоти худ ширкат намуданд. Тамоми маҳсулоти ба намоиш гузошта шуда аз нархи муқаррарӣ ва бозор то 15-20% арзон ба фурӯш гузошта шуд.
Нет комментариев