Барномаи «Ҳафта»

4
456 просмотров

ХХХ

1419476224_prokuraturaПрокурорҳои шаҳру ноҳияҳои Хоруғ, Кӯлоб, Носири Хусрав, Восеъ, Рӯдакӣ, Рашт, прокурорҳои ҳарбии гарнизонҳои Душанбе, Рашт ва Хоруғ иваз карда шуданд. Хамчунин, прокурори нақлиётии вилояти Суғд, сардорони ду раёсати Прокуратураи генералӣ ва машваратчии калон-сардори шуъбаи амнияти ҷамъиятии Шӯрои амнияти Ҷумҳурии Тоҷикистон аз вазифаашон барканор  шуданд. Дирӯз Эмомалӣ Раҳмон, Президенти Тоҷикистон нафарони ба вазифаҳои нав дар мақомоти прокуратураи ҷумҳурӣ пешниҳодшударо барои суҳбат ба ҳузур пазируфт. Эмомалӣ Раҳмон онҳоро ба кори содиқонаю софдилона, мубориза бо ҷинояту ҷинояткорӣ, ҳифзи ҳуқуқу манфиатҳои мардум ва умуман таъмини волоияти қонун дар ҷомеа ҳидоят намуд, — хабар медиҳад дафтари матбуоти Президент.

ХХХ

  Netrezvyy_voditelҲукумати Тоҷикистон лоиҳаи тағйироту илова ба Кодекси ҶТ дар бораи ҳуқуқвайронкунии маъмуриро ба баррасии палатаи поёнии парлумон ирсол намуд, ки дар он аз 1 то 3 баробар афзудани маблағи ҷаримаҳо барои риоя накардани қоидаҳои ҳаракат дар роҳ пешбинӣ шудааст. Гуфта мешавад, ки ин пешниҳоди ҳукуматӣ бешубҳа аз ҷониби намояндагони мардумӣ дастгирӣ меёбад, зеро ба ҷорӣ намудани низому тартибот дар роҳҳои ҷумҳурӣ нигаронида шудааст, ки бар асари садамаҳои нақлиёти рухдода аз ҷониби ронандагони қонуншикан дар онҳо ҳамарӯза шаҳрвандони кишвар ба ҳалокат мерасанд. Тағйироту илова дар ин самт, ки дар ҷаласаи навбатии иҷлосияи шашуми палатаи поёнии парлумон баррасӣ шуда,  болоравии маблағи ҷаримаҳо аз 20-40 сомонии имрӯза то ба 120-200 сомониро дар назар дорад. Дар ин бора news.tj  хабар медиҳад.

ХХХ

big-300x200Дар муассисаи давлатии Қасри ҷавонони ба номи Лоиқ Шералӣ бо дастгирии Мақомоти иҷроияи ҳокимияти давлатии вилояти Суғд конфронси  илми таҳти унвони «Камоли Хуҷандӣ ва рушди адабу фарҳанги миллӣ» баргузор гардид. Дар ифтитоҳи конфронс мудири шўъбаи робита бо ҷомеи мақомоти иҷроияи ҳокимияти давлатии вилояти  Суғд Мирзоаъзам Ҳотамӣ  паёми Раиси вилоятро ба муҳаққиқон ва ширкаткунандагони конфронс расонида, таъкид намуд, ки  ғамхориҳои ҳукумати мамлакат ва вилоят нисбат ба илм аст, ки сол то сол барои олимон шароити мусоидро  дар корҳои таҳқиқоти фароҳам оварда истодааст. Ба гуфтаи масъулини конфронс барои пешрафти соҳаи илм дар вилоят МИҲД вилояти Суғд як қатор корҳои судмандро ба анҷом расонидааст, ки мисоли ин таъсиси Муассисаи давлатии «Маркази илмии Камоли Хуҷандӣ» мебошад.  Ҳамчунин дар конфронс Раиси иттифоқи нависандагони Ҷумҳурии Тоҷикистон дар вилояти Суғд Аҳмадҷони Раҳматзод дар мавзўи «Ҷойгоҳи Камоли Хуҷандӣ дар  ташаккули адабу фарҳанги миллӣ» суханронӣ карда, хизмати Камолро дар пешрафти илму адаби тоҷик басо судманд шуморид.Қайд намуд,  ки девони Камоли Хуҷандӣ аввалин маротиба дар Тоҷикистон соли  2011 мураттаб карда шуд.  Дар назар аст, ки  соли 2015 ин девон бо тағйиру иловаҳо ба дўстодорони илму адаб пешниҳод карда шавад. Аҳмадҷони Раҳматзод аз он қаноатманд буд, ки ҳукумати мамлакат ва вилоят нисбат ба пешрафти илм аҳмияти хоса дода, барои олимону муҳаҳҳиқон заминаи мусоид барои таҳқиқро муҳайё карда истодааст. Зикр намуд, ки бо таъсиси Муассисаи давлатии «Маркази илмии Камоли Хуҷандӣ» дар вилоят муҳаққиқони  соҳаи илм таҳқиқотҳои илмӣ анҷом дода,  барои пешрафти илми тоҷик ва мавқеъи Камол дар арсаи байналмилалӣ корҳои хубро ба сомон мерасонанд.  Дар конфронс устодони ДДХ ба номи академик Б. Ғафуров номзади илмҳои филологӣ Саидмурон Саидов дар мавзўъи «Нашрҳои илмӣ-интиқодии девони Камоли Хуҷандӣ дар “санчаи накд», номзади илмҳои филологӣ Тоҷибой Султонӣ дар мавзўъи  «Муҳаққиқони тоҷик ва маърифати аҳволу ашъори Камоли Хуҷандӣ» суханронӣ намуданд. Дар охири конфронс масъулини чорабинӣ изҳор доштанд,  ки баргузории чунин конфронсиҳои илмӣ дар вилоят  идома дорад. Дар ин бора хабарнигорамон Саодат Исмоилӣ иттилоъ медиҳад.

ХХХ

252Дар пули ҷашнии шаҳри Хуҷанд бо иштироки  Раҷаббой Аҳмадзода ва намояндагони соҳаҳои мухталифи МИҲД шаҳр барои ободу зебо гардидани кӯчаҳои марказӣ, наздик 200 бех навъи дарахти Ардач шинонида шуд. Раҷчаббой Аҳмадзода изҳор дошт, ки имсол дар шаҳри Хуҷанд зиёда аз 100 ҳазор бех ниҳолҳои сояафкан ва ороишӣ  ва зиёда аз 1млн гул ва лолаҳои  гуногун шинонида мешавад. То имрӯз бошад дар кӯчаҳои Исмоили Сомонӣ,  маҳаллаи 27 ва дигар кӯчаҳои марказӣ  зиёда аз 500 адад дарахти Ардач  шинонида шудааст. Ғуфрон Муродов намоянда аз сарраёсати  Ободонии хоҷагӣ, манзилию коммуналии  шаҳри Хуҷанд иброз намуд, ки  навъи дарахти Ардач дар махсус ҷой нигоҳубин ва парвариш шуда, баъди 4-5 сол ба заминҳои кишт шинонида мешаванд. Дарахти Ардач  ҳамешасабз буда, дар ҳама фасли сол ба ҳусни шаҳр зебоӣ  мебахшад. Бинобар маълумоти сарраёсати ободонӣ ба ҷои дарахтони хушк ва нодаркори кӯчаҳои шаҳри Хуҷанд  зиёда аз 100 ҳазор адад ниҳолҳои нави сояафкан ва ороишӣ шинонида хоҳад шуд. Дар ин бора ҳамкоронамон аз ТВ  Азия иттилоъ медиҳанд.

ХХХ

Акс аз: olympic.tj

Акс аз: olympic.tj

Дар қароргоҳи Кумитаи миллии олимпии Тоҷикистон маросими ҷоизасупорӣ ба беҳтарин варзишгарони тоҷик дар соли 2014 баргузор гардид. Дар маросим ба варзишгари беҳтарини сол Дилшод Назаров ва ба онҳое, ки аз рӯи натиҷаҳои варзишии худ дар мусобиқоти имсолаи ҷаҳониву қитъавӣ ва байналмилалӣ бо назархоҳии хабарнигорони соҳа ба рӯйхати даҳ нафар беҳтаринҳо дохил шудаанд, диплому ҷоизаҳои Ассотсиатсияи журналистони риштаи варзиши Тоҷикистон ва Кумитаи миллии олимпии кишвар супурда шуд. Ёдовар мешавем, ки Ассотсиатсияи журналистони риштаи варзиши Тоҷикистон гурзандоз Дилшод Назаровро беҳтарин варзишгари соли 2014 эълон кардааст. Ба рӯйхати даҳ варзишгари беҳтарини сол, инчунин Залимхон Юсупов, Фарҳод Неъматов, Алишер Гулов, Моҳрӯ Ҳалимова, Комроншоҳи Устопириён, Хушқадам Хусравов, Акмалиддин Каримов, Муҳаммадмурод Абдураҳмонов ва Акмал Қодиров дохил шудаанд. Дар ин бора агентии Ховар хабар медихад.

4 comments

Опубликовать новый комментарий

Также рекомендуем