Барои дарёфти Шоҳҷоизаи озмуни «Адрасбофи беҳтарин» 40 нафар мубориза мебаранд

0
799 просмотров

Бо мақсади тарғиби фарҳанги либоси миллӣ, эҳё ва рушди ҳунарҳои мардумӣ, истеҳсоли матои атлас ва адрас, дарёфти беҳтарин ҳунармандони ҳунарҳои дастии адрасбофӣ, ба ҷои кор таъмин намудани занону духтарон ва ба муносибати 25  солагии Истиқлолияти давлатии Ҷумҳурии Тоҷикистон байни ҳунармандони шаҳру ноҳияҳои вилоят озмун  мусобиқаи вилоятии «Адрасбофи беҳтарин» гузаронида мешавад.

Озмуни мазкур санаҳои 3 ва 4-уми августи соли равон дар Кохи Рӯдакии маркази вилоят доир мешавад ва дар он 40 нафар бонувоне, ки дар даври шаҳрӣ (ноҳиявӣ) ғолиб шудаанд, аз рӯи шартҳои зерин иштирок мекунанд:

— бофандаи моҳир;

— сифати беҳтарини адраси дастӣ;

— нақши беҳтарин, ҳалли тобиш ва обуранги адраси дастӣ;

— адрасбофи  беҳтарин(Шоҳҷоиза).

Ғолибони озмун бо мукофотҳои пулӣ ба маблағи аз 1000 то 5 000 сомонӣ мукофотонида мешаванд.

Хоҳишмандон метавонан аз рафти озмуни мазкур, ки соати 10-00 и санаи 3 август дар Кохи Рӯдакӣ оғоз мегардад, дидан намоянд.

Хадамоти матбуоти
Раиси вилояти Суғд

Нет комментариев

Также рекомендуем