Бо пешниҳоди Раёсати корҳои илмӣ — тадқиқотии Донишгоҳи давлатии Хуҷанд барои дифои рисолаҳои докторӣ ва номзадӣ минбаъд мукофотпулиҳои ҳавасмандкунӣ дода мешавад.
Дар ин бора профессор Матлуба Хоҷаева, муовини ректор оид ба корҳои илмӣ-тадқиқотӣ хабар дод. Иттилоъ дода шуд, ки минбаъд барои дифои рисолаи номзадӣ дар дохилӣ ҷумҳурӣ 1500 сомонӣ, дар хориҷи кишвар 2500 сомонӣ, барои дифои рисолаи докторӣ дар дохили ҷумҳурӣ — 2500 сомонӣ, дар хориҷи кишвар 4000 сомонӣ барои ҳар нафари устоди донишгоҳ мукофотпулӣ дода мешавад.
Дар ин бора sugd.tj хабар медиҳад.
Ба фикрам илмдорони асил кам шуда истодаанд. Вагарна барои дифои рисола, пул намедоданд. Пештар пул сарф мекарди!