Барои имтиҳонсупорӣ акнун аз довталабон изи ангушт

0
126 просмотров

Ҳадаф аз ин тасмим ҷилавгирӣ аз вуруди хешутабор ва ё шахсони тамоман бегона ба ҷои довталабони мактабҳои олӣ унвон мешавад.

Маркази миллии тестӣ – масъули баргузории имтиҳонҳои қабул ба донишгоҳҳои Тоҷикистон – барои нахустин бор гирифтани изи ангушти довталабонро ҷорӣ кардааст.

Ситорабону Назарова, сухангӯи Маркази миллии тестӣ бо тасдиқи ин хабар ба Радиои Озодӣ гуфтааст “дар вақти сабти номи довталабон изи ангушти онҳо гирифта мешавад, то ба ҷояшон каси дигар ворид нашавад. Танҳо дар сурати мувофиқ омадани изи ангушти довталаб ба ӯ ҳаққи ворид шудан ба имтиҳонҳо дода хоҳад шуд.”

Ин масъули Маркази миллии тестӣ изҳор намудааст, ки дар гузашта таҷриба нишон додааст, ки баъзе довталабон ба ҷойи худ бародару хоҳарашонро ба имтиҳонҳо фиристодаанд, то холи зиёдтар бигиранд.

«Он вақт низ аз чунин талошҳо пешгирӣ шуда буд, аммо каме бо мушкилӣ. Акнун бо гирифтани изи ангушт ин кор ҷиддӣ ва осонтар шудааст. Дигар довталабон наметавонанд, касеро фиреб кунанд, чун ҳамааш мисли оина рӯшан аст», – иброз доштааст ӯ.

Гуфта мешавад, бо манзури гирифтани изи ангушти довталабон Маркази милли тестӣ аз хориҷ дастгоҳҳо (сканерҳо)-ро ворид кардааст. Ин дастгоҳҳо дар тамоми 33 нуқтаи сабтиноми доимоамалкунанда ва 21 нуқтаи сайёр насб шудаанд. “Сабтиноми довталабон аз 1 марти соли равон шуруъ шуда, даври аввали он то 15 апрел идома мекунад”, – гуфт Ситорабону Назарова.

Зимнан зикр мегардад, ки имсол маблағи сабтиноми довталабон 20 сомонӣ афзоиш ёфта, ба 220 сомонӣ баробар шудааст. Довталабоне, ки яке аз волидонашон вафот кардааст, 50 дарсади ин пулро пардохт хоҳанд кард. Ятимони кулл аз пардохти маблағ пурра озод шудаанд.

Маркази миллии тестӣ соли 2013 дар Тоҷикистон ба кор шурӯъ кард ва ҳадаф аз таъсиси ин марказ роҳандозии низоми муосири қабули довталабон ба донишгоҳҳо ба таври шаффофу одилона баҳогузорӣ шудани дониши довталабону аз байн бурдани ришваву фасод гуфта мешавад.

Манбаъ: https://news.tj/

Нет комментариев

Также рекомендуем

Шарбати ангур.

Калимаи ангур ва навдаи ток таърихи бениҳоят қадим аст. Ин калимаҳо дар забонҳои қадимаи юнониву лотинӣ ва дар яке аз қадимтарин забонҳо – санскрит ҷой ...