Баррасии ҳамкории Тоҷикистону Словакия дар Брюссел

0
104 просмотров

Дар шаҳри Брюссел вохӯрии Вазири корҳои хориҷии Ҷумҳурии Тоҷикистон Сироҷидин Аслов бо Котиби давлатии Вазорати корҳои хориҷӣ ва аврупоии Ҷумҳурии Словакия Лукаш Паризек баргузор шуд. Дар ҷараёни мулоқот ҷонибҳо масъалаҳои мубрами рушди муносибатҳои Тоҷикистон ва Словакияро баррасӣ карданд. С. Аслов ва Л. Паризек ҷиҳати таҳкиму тавсеаи ҳамкории ду кишвар дар соҳаҳои тиҷоратию иқтисодӣ, нақлиётӣ, энергетикӣ, кишоварзӣ, тандурустӣ, маориф ва фарҳангию башарӣ ҳавасмандӣ зоҳир намуданд. Дар ин радиф, ҷонибҳо нақши машваратҳои сиёсии байниидоравӣ ва суҳбатҳои соҳибкории ду кишварро, ки моҳи ноябри соли 2016 дар шаҳри Душанбе барпо гаштанд, баланд арзёбӣ карданд. Мусоҳибон ҳамчунин доир ба ҳамкории Тоҷикистону Словакия дар чаҳорчӯби созмонҳои байналмилалӣ ва дигар масъалаҳои мавриди эҳтимоми муштарак табодули назар намуданд.

          Манбаъ: www.khovar.tj

Нет комментариев

Также рекомендуем

Иштирок дар ҷаласаи навбатии Шӯрои сарони кишварҳои Иттиҳоди Давлатҳои Мустақил

Президенти Ҷумҳурии Тоҷикистон Эмомалӣ Раҳмон дар мавзеи Бурабой, воқеъ дар вилояти Акмолаи Ҷумҳурии Қазоқистон дар ҷаласаи навбатии Шӯрои сарони кишварҳои Иттиҳоди Давлатҳои Мустақил иштирок ва ...