Баррасии қонунҳо оид ба бехатарии хӯрокворӣ

0
726 просмотров

«Ҷараёни иҷрои қонунҳои Ҷумҳурии Тоҷикистон «Дар бораи бехатарии маҳсулоти хӯрокворӣ» ва «Дар бораи ҳимояи ҳуқуқи  истеъмолкунандагон ҷиҳати назорати бехатарии ғизо ва танзими нарху наво дар нуқтаҳои хӯроки умумӣ» дар муҳокимаи парлумоние, ки имрӯз таҳти раёсати муовини Раиси Маҷлиси намояндагон Акрамшо Фелалиев бо иштироки роҳбарону намояндагони вазорату идораҳои марбутаи мамлакат доир гардид, баррасӣ шуд.

Доир ба ин масъала вакили Маҷлиси намояндагон Ҳоким Холиқзода сухан карда, гуфт ки баррасии масъалаи мазкур дар муҳокимаи парлумонӣ ҷиҳати амалӣ намудани дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёмашон ба Маҷлиси Олии Ҷумҳурии Тоҷикистон таъкид гардида буд, равона шудааст.

Зикр шуд, ки дар ин замина дар мамлакат Кумитаи бехатарии озуқавории назди Ҳукумати Ҷумҳурии Тоҷикистон дар заминаи чор мақомоти давлатӣ — Хадамоти назорати давлатии байторӣ, Хадамоти назорати давлатии фитосанитарӣ ва карантини растанӣ, Хадамоти назорати давлатии зотпарварӣ ва Бозрасии назорати давлатии тухмии Вазорати кишоварзии Ҷумҳурии Тоҷикистон таъсис дода шуд. Таъкид гардид, ки мақомоти бехатарии озуқавории  кишвар фаъолияти худро дар асоси қонунҳои Ҷумҳурии Тоҷикистон «Дар бораи байторӣ», «Дар бораи зотпарварӣ», «Дар бораи карантини растанӣ», «Дар бораи тухмӣ», «Дар бораи амнияти озуқаворӣ», «Дар бораи бехатарии маҳсулоти хӯрокворӣ», «Дар бораи ҳимояи ҳуқуқи истеъмолкунандагон» амалӣ намуда истодааст.

Тибқи маълумоти Вазорати молияи ҷумҳурӣ, аз ҳисоби буҷети ҷумҳуриявӣ бо мақсади бехатарии маҳсулоти чорво ва эмин нигоҳ доштани он ба 8 номгӯй касалиҳои сироятшаванда, аз ҷумла вабои сумдарди чорво, сӯхтанӣ, бруселлёз, сил, тоуни чорвои майдаи шохдор, гули гӯсфандон ва буз, ҳорӣ ва тоуни паранда, ки бо қарори Ҳукумати Ҷумҳурии Тоҷикистон тасдиқ шудааст, 11,5 млн сомонӣ равона гардида, соли 2018 бо ин мақсад 2,5 млн сомонӣ пешбинӣ карда шудааст.

Дар ҷумҳурӣ 23 маркази ташхиси байторӣ ҳамчун мақоми назоратӣ фаъолият менамоянд, ки дар бозорҳои ҷумҳурӣ ба безараргардонии маҳсулоти хӯрокворӣ машғул буда, барои нигаҳдории онҳо аз ҳисоби буҷети давлатӣ тайи солҳои 2013-2017 беш аз 19 миллион сомонӣ равона гардидааст.

Инчунин барои пешгирии воридоти маҳсулоти хӯроквории зараровар дар сарҳади давлатӣ 25 нуқтаи назоратӣ ташкил карда шуда, барои нигаҳдории онҳо аз ҳисоби буҷети давлатӣ дар солҳои 2013-2017    6,6 миллион сомонӣ равона гардидааст.

Ҳамзамон доир ба ин масъала роҳбарону намояндагони мақомоти марбутаи мамлакат гузориш доданд.

Манбаъ: АМИТ «Ховар»

 

Нет комментариев

Также рекомендуем

Президентом Эфиопии впервые стала женщина

Опытный дипломат Сахле-Ворк Зевде стала первой женщиной-президентом африканской страны Эфиопия. В Эфиопии президентом страны впервые стала женщина. Об этом в четверг, 25 октября, сообщило AP. ...

Сообщить об опечатке

Текст, который будет отправлен нашим редакторам: