Чанде қабл дар толори мақомоти иҷроияи ҳокимияти давлатии ноҳияи Мастчоҳ таҳти раёсати муовини Сарвазири Ҷумҳурии Тоҷикистон Маҳмадтоир Зокирзода ҷаласаи корӣ баргузор гашт.
Дар ин ҷаласа, ки бо иштироки раиси ноҳия Ғайрат Азиззода, муовинони раис, раисони ҷамоатҳои шаҳраку деҳот, мудирони шуъбаю бахшҳо, масъулони соҳаи кишоварзӣ ва фаъолон баргузор гардид, вазъи соҳаи кишоварзии ноҳия баррасӣ шуд.
Ба масъулин ҷиҳати ташкили боғот, рушди чорводорӣ дар хоҷагиҳо, истеҳсоли маҳсулоти кишоварзӣ, таъмини рушди соҳаи парандапарварӣ, омодагии пурра ба зимистонгузаронӣ, истифодаи самараноки заминҳои кишоварзӣ ва берун аз киштмонда, пардохти ҳатмии қарзи об ва андоз супоришҳо дода шуд.
Ҷаласаи мазкур бо саволу ҷавоби иштирокчиён, пурсишҳои ҳатмӣ ва вазифагузориҳои қатъии муовини Сарвазири мамлакат ба анҷом расид.
Манбаъ: Хадамоти матбуоти Раиси вилояти Суғд
Нет комментариев