Беҳтарин экологони ҷавони вилоят муайян шуданд

0
597 просмотров

Бо иқдоми наҷиби Идораи рӯзномаи вилоятии «Согдийская паравда», Ташкилоти ҷамъиятии «Амалиёт барои ҳаёт», Муассисаи таълимии гимназияи № 13-уми шаҳри Хуҷанд ва бо дастгирии ҳамаҷонибаи Раёсати маорифи вилоят ва Раёсати ҳифзи муҳити зисти вилояти Суғд Фестивали кушоди мактабии журналистикаи экологии вилояти Суғд баргузор гардид. Фестивал ба Даҳсолаи байналмилалии амал «Об барои рушди устувор» — солҳои 2018-2028 ва Рӯзи байналмилалии ҳифзи муҳити зист, ки ҳар сол санаи 5-уми июн таҷлил карда мешавад, бахшида шуд.

20170603_140652

Дастаи Медиапортали «Тироз» низ дар ин фестивал иштирок намуд ва барои Шумо-хонандагони сомона маводи ҷолибу хонданиро пешкаш менамояд.

20170603_144011

Бояд гуфт, ки ҳадаф аз гузаронидани фестивал ҷалби бештари таваҷҷӯҳи наврасону ҷавонон ба масъалаи муҳофизати табиат, баланд бардоштани маърифати экологии онҳо, риоя намудан ба тозагиву ободӣ ва сарсабзиву шукуфоии Ватани азизамон-Тоҷикистон, поку беолоиш нигоҳ доштан ва сарфакоронаву бамаврид истифода кардан аз оби тозаи ошомиданӣ, расидан ба қадри ҳар як қатраи оби тоза ва ҳар як ваҷаби хоки Ватан, роҳ надодан ба партофтани ифлосиву партовҳо ба дарёву кӯлҳо, каналу ҷуйборҳо, хулоса ҳифзи ҳамаҷонибаи муҳити зисти худ ва дар ниҳоят дӯст доштани табиати зебову натакрори Тоҷикистони офтобрӯяву биҳиштосо буд.

20170603_151456

Дар қисмати кушодашавии фестивал ташаббускорон — Сармуҳаррири рӯзномаи вилоятии «Согдийская паравда» ва сарвари Ташкилоти ҷамъиятии «Амалиёт барои ҳаёт» Исҳоқ Ҳайдарович Зокиров,

20170603_151752

сармутахассиси Раёсати маорифи вилоят Раҳбар Алиева, мутахассиси пешбари Раёсати ҳифзи муҳити зисти вилояти Суғд Бахтиёр Ёқубов, котиби масъули Созмони вилояти Суғдии Иттифоқи журналистони Тоҷикистон Карим Шариф ва

20170603_152446

сарвари Муассисаи таълимии гимназияи № 13-уми шаҳри Хуҷанд Хуршеда Атобоева сухан карда, муҳим будани ҳифзи муҳити зист, эҳтиёт ва сарфакорона истифода намудани оби тозаи ошомиданӣ, ҷоннок намудани тарбияи экологии шаҳрвандон, бахусус наврасону ҷавононро зикр намуданд.
Қайд гардид, ки Ҷумҳурии Тоҷикистон дар арсаи байналмилалӣ ба сифати ташаббускор ва пешсафи фаъоли ҳалли масоили глобалии вобаста ба истифодаи босамари захираҳои об эътироф гардидааст. Имрӯз кишвари мо барои дар ҳамкорӣ бо ҷомеаи ҷаҳонӣ амалӣ намудани Даҳсолаи байналмилалии “Об барои рушди устувор” ҷидду ҷаҳд менамояд.

20170603_144153

Дар ин ҷода мусоидат ба татбиқи фарогири Даҳсолаи мазкур, ки бо пешниҳоди Тоҷикистон ва бо иттифоқи оро аз ҷониби Маҷмааи умумии Созмони Милали Муттаҳид эълон гардид, яке аз вазифаҳои муҳими мо маҳсуб мешавад. Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон то ин дам чор барномаи мукаммали соҳаи обро ба ҷомеаи ҷаҳонӣ пешниҳод намудаанд. Аз ҷумла, «Соли байналмилалии оби тоза» эълон шудани соли 2003, Даҳсолаи байналмилалии амал «Об барои ҳаёт» эълон шудани солҳои 2005-2015, Соли байналмилалии ҳамкорӣ дар соҳаи об эълон шудани соли 2013 ва ниҳоят қабули қатъномаи Даҳсолаи байналмилалии амал “Об барои рушди устувор” барои солҳои 2018-2028 дар сатҳи ҷаҳонӣ мебошад.

20170603_144540

Сароғоз дар асоси барномаи фестивал дар мавзӯи сарфакорона ва бамаврид истифода кардани об, дар байни иштирокчиён-хонандагони синфи 7-уми Гимназияи рақами 13-уми шаҳри Хуҷанд, ки ба ду гурӯҳ бо номҳои

20170603_145214

                                            «Амалиёт барои ҳаёт» ва

20170603_151028

«Об барои ҳаёт» ҷудо шуда буданд, бозии викторина гузаронида шуд, ки хеле шавқовар ва писанди ҳамагон гардид.
Дар Фестивали кушоди мактабии журналистикаи экологии вилояти Суғд даҳҳо нафар наврасону ҷавонон-толибилмони мактабҳои миёна, гимназия ва литсейҳои шаҳру навоҳии вилоят фаъолона иштирок ва маводи омода намудаи худро дар мавзӯъҳои ҳифзи муҳити зист, об чун манбаи ҳаёт, табиати музайяни Ватани маҳбуб, Даҳсолаи байналмилалии амал «Об барои рушди устувор» — солҳои 2018-2028 ба аъзои ҳайати ҳакамон пешниҳод карданд.

20170603_143937

Дар ин рӯз ғолибон аз рӯи шартҳои гуногуни озмун аз ҷониби доварон муайян карда шуда, бо тӯҳфаҳои хотиравӣ сарфароз гардиданд. Аз сабаби пешниҳод кардани беш аз 50 мақола ва иншо аз ҷониби хонандагон ҳайати ҳакамон ду бахши озмун, яъне «Мақолаи беҳтарин» ва «Иншои беҳтарин»-ро якҷоя намуданд ва вобаста ба забони мавод ба чунин хулоса омаданд:

Аз рӯи ин шартҳо бо забони русӣ толибаи Муассисаи таълимии миёнаи умумӣ (МТМУ)-и рақами 1-уми шаҳри Истиқлол Дилноза Зокирова ва хонандаи Муассисаи таълимии миёнаи умумӣ (МТМУ)-и рақами 2-юми шаҳри Гулистон Умеда Каримова сазовори ҷойи якум гардиданд.

20170603_153211

Ҷойи дуюмро толибилми МТМУ рақами 22-юми шаҳри Хуҷанд Меҳрафрӯз Каримова, хонандаи МТМУ рақами 1-уми шаҳри Гулистон Далер Маъсумов, талабаи МТМУ рақами 11-уми деҳаи Ғозиёни ноҳияи Б.Ғафуров Абдуқодир Алимуҳаммадов ва толибаи гимназияи рақами 13-уми шаҳри Хуҷанд Амина Расулова соҳиб шуданд.

20170603_153300

Хонандаи МТМУ рақами 5-уми шаҳри Истиқлол Ӯғулой Исматёрова, толибаи МТМУ рақами 4-уми шаҳри Бӯстон Сусана Менасова, толибилми гимназияи рақами 13-уми шаҳри Хуҷанд Умедҷон Турсунов ва толибаи МТМУ рақами 4-уми шаҳри Бӯстон Насима Шоҳсулаймонова мақоми сеюмро сазовор шуданд.

20170603_153238

Аз рӯи шартҳои «Мақолаи беҳтарин» ва «Иншои беҳтарин» бо забони тоҷикӣ танҳо як нафар — толибилми Мактаби хонандагони болаёқати ноҳияи Б.Ғафуров Баҳодур Абдувоҳидов сазовори ҷойи якум гардид.

20170603_153020

Ҷойи дуюмро толибаи гимназияи рақами 4-уми шаҳри Хуҷанд Абира Алзаабӣ соҳиб шуд. Хонандаи МТМУ рақами 26-уми шаҳри Хуҷанд Алишер Шарифов мақоми сеюмро сазовор гардид.

20170603_153408

Аз рӯи шартҳои «Мақолаи беҳтарин» ва «Иншои беҳтарин» бо забони ӯзбекӣ низ танҳо як нафар — толибилми МТМУ рақами 9-уми шаҳри Истаравшан Аҳадҷон Абдуқаҳҳоров сазовори ҷойи якум гардид. Ҷойи дуюмро толибаи МТМУ рақами 7-уми ноҳияи Б.Ғафуров Шуҷоат Ҷӯраева соҳиб шуд. Хонандаи МТМУ рақами 51-уми ноҳияи Б.Ғафуров Фотима Аҳмадова мақоми сеюмро сазовор гардид.

20170603_153609

Дар бахши «Акси беҳтарин» хонандаи Муассисаи таълимии миёнаи умумӣ (МТМУ)-и рақами 1-уми шаҳри Гулистон Амир Эшматов сазовори ҷойи якум гардид.
Ҷойи дуюмро толибилми МТМУ рақами 2-юми шаҳри Гулистон Шаҳзода Гулматова ва мақоми сеюмро толибаи Гимназияи рақами 13-уми шаҳри Хуҷанд Омина Тоҷибоева соҳиб шуданд.

20170603_153851

Дар бахши «Расми беҳтарин» хонандаи Муассисаи таълимии миёнаи умумӣ (МТМУ)-и рақами 2-юми шаҳри Гулистон Даря Нусратова ғолиби ҷойи якум дониста шуд.
Ҷойи дуюм насиби толибилми МТМУ рақами 4-уми шаҳри Бӯстон Фирӯз Зоҳидхоҷаев ва мақоми сеюм насиби хонандаи МТМУ рақами 2-юми шаҳри Гулистон Анвар Қаробашоев гардиданд.

20170603_153942

Ғолибони бахши «Видеомаводи беҳтарин» низ маълум ва сазовори тӯҳфаҳо шудаанд.
Дар вазъияти тантанавӣ аз ҷониби дастандаркорону ташкилкунандагони Фестивали кушоди мактабии журналистикаи экологии вилояти Суғд ба ҳамаи ғолибон ва иштирокчиёни фаъоли ин чорабинии бузурги вилоятӣ тӯҳфаҳои арзишноки хотиравӣ тақдим карда шуданд.

20170603_154034

Ҳамин тавр, Фестивали кушоди мактабии журналистикаи экологии вилояти Суғд дар сатҳи хеле хуби ташкилӣ, муассиру хотирмон ва барои иштирокдоронаш муфиду манфиатбахш доир гардид.
                                                  Дастаи Медиапортали «Тироз»

Нет комментариев

Также рекомендуем

Ҳавопаймои «Turkmenistanairlines» бо парвози нахустин дар Фурудгоҳи байналмилалии Душанбе нишаст

Дирӯз бори нахуст ҳавопаймои ширкати  миллии  ҳавонавардии Туркманистон -«Turkmenistanairlines» дар Фурудгоҳи байналмилалии Душанбе нишаст. Ҳавопаймои  «Боинг» -и ширкати «Turkmenistanairlines» дар хатсайри   Ашқобод –Душанбе –Ашқобод парвози  ...