Беҳтарин хонандаи китобҳои бадеӣ муайян шуд

0
34 просмотров

Дар толори Китобхонаи вилоятӣ даври ниҳоии озмуни вилоятии “Беҳтарин хонандаи китобҳои бадеӣ дар соли 2018” баргузор ва ду нафар хонандагони шаҳри Хуҷанд мақомҳои якуму дуюмро ишғол намуданд.

Ҳамин тавр, аз рӯйи баҳогузории ҳакамон дар бахши хонандагон ҷойи аввалро Меҳринисо Ҳошимова — хонандаи синфи 10-и Литсейи физикӣ-математикии №1 ба номи М.Осимӣ ва ҷойи дуюмро Ҷамшед Қурбонбоев — муҳассили синфи 10-и гимназияи «Кавсар»-и шаҳри Хуҷанд дар бахши мактаббачагон ғолибият ба даст оварданд.

alt

Нуров Нуралӣ – дотсенти кафедраи адабиёти классикии тоҷики Донишгоҳи давлатии Хуҷанд ба номи академик Бобоҷон Ғафуров – раиси ҳайати ҳакамон иштирокчиёнро бо низомнома – шартҳои озмун расман ошно сохт. Барои шаффоф сурат гирифтани озмун комиссияи ҳисоб низ ташкил карда шуд. Ҳакамон ба ҳар як иштирокчӣ–мактаббача ва донишҷӯ панҷ савол дода, аз рӯйи ҷавобҳои онҳо хол гузоштанд. Холи ҳар як иштирокчиро комиссияи ҳисоб дар дафтари махсус ба қайд гирифтанд.

Ҳамчунин барои иштироки намунавӣ Аъзамҷон Султонов, хонандаи синфи 3-и гимназияи №4 шаҳри Хуҷанд барои гирифтани туҳфаҳои ифтихорӣ пешбарӣ гардид.

Туҳфаҳо ба ғолибону фаъолони озмун рӯзҳои наздик дар маҷлиси тантанавӣ аз тарафи Мақомоти иҷроияи ҳокимияти давлатии вилояти Суғд супорида мешавад.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем