Беҳтарин нишонзанҳо дар таърихи Лигаи Чемпионҳо

0
409 просмотров

Лигаи Чемпионҳо яке аз мусобиқаҳои бонуфузи қораи Аврупо ба шумор меравад, ки ҳар сол дар ин мусобиқа беҳтарин тимҳои аврупоӣ рақобат мекунанд. Бошгоҳи шоҳонаи “Реали Мадрид” дар ин мусобиқа рекорди бесобиқа дорад, чунки дар таърихи Лигаи Чемпионҳо мадридиҳо 13 маротиба — аз ҳама бештар қаҳрамон шудаанд. Боз рекорди навбатии ин бошгоҳ он аст, ки дар се сол се маротиба Ҷоми ин мусобиқаро ба хазинааш бурдааст. Баъди “Реал” бошгоҳи “Милан” дар зинаи дуюм меистад, ки 7 маротиба соҳиби Лигаи Чемпионҳо шудааст. Ҳоло мо дар бораи беҳтарин нишонзанҳои ин мусобиқа бароятон маълумот медиҳем. Аз рӯзи таъсисёбии Лигаи Чемпионҳо рақобат кардан дар ин мусобиқа сахту душвор мебошад, зеро танҳо беҳтаринҳо рақобаташонро нишон медиҳанд. Дар таърихи Лигаи Чемпионҳо сафдари тими миллии Португалия ва бошгоҳи шоҳонаи “Ювентус” Криштиану Роналду бо 126 гол беҳтарин нишонзан ба шумор меравад. Мавсуф дар 162 бозӣ ба майдон баромада, ба задани 126 гол даст ёфтааст. Дар зинаи дуюми беҳтарин нишонзанҳо сарвони тими мунтахаби Аргентина ва дастаи “Барселона” Лионел Месси бо 112 гол қарор дорад. Дар ҷойи сеюм собиқ ҳамлавари бошгоҳи “Реал” Раул бо 71 гол ҷой дорад.

Манбаъ: ТВ Варзиш

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: