Беҳтаринҳои мавсими футболи соли 2017

0
437 просмотров

Конфедератсияи футболи Осиё (AFC) дар як маросими пуршукӯҳ, ки шоми чоршанбеи гузашта, бисту нуҳуми   ноябр дар пойтахти Тайланд – шаҳри Бангкок – доир шуд, беҳтаринҳои мавсими футболи соли 2017-ро бо ҷоизаҳо сарфароз гардонд. Ба иттилои сомонаи расмии Конфедератсияи футболи Осиё, маросими супурдани ҷоизаҳои AFC («AFC Annual Awards 2017”), ки дар он мавсими имсолаи футбол натиҷагирӣ ва лауреатҳои соли 2017 эълон шуданд, дар театри “Аксра”-и Бангкок доир гардид. Дар ин маросими ботантана ба ғолибони номинатсияҳо ҷоизаҳо супурда шуд. Бояд гуфт, ки Федератсияи футболи Тоҷикистон ҳамроҳи федератсияҳои футболи Лубнон ва Ветнам барои ҷоизаи “Созмони футболи миллии дар ҳоли рушди сол” (AFC Member Association of the Year – Developing category) довталаб буд, вале ҷоиза насиби Федератсияи футболи Ветнам гардид. Гарчанде Федератсияи футболи Тоҷикистон барандаи ҷоизаи мазкур нашуд, аммо ҷаҳду талош ва муваффақиятҳои футболи кишвар аз мадди назари дастандаркорон берун намонд. Ин боиси ифтихор аст, ки  федератсияи футболи кишвари мо низ дар байни 46 давлати Осиё яке аз беҳтарин кишварҳои рӯ ба тарақикарда ба шумор меравад. Ин самари сиёсати Федератсияи футболи Тоҷикистон ва фаъолияти хуби футболбозони мо мебошад, ки кишвари моро дар Осиё яке аз беҳтаринҳо муайян мекунад. Чунончи, барои ҷоизаи “Беҳтарин бозигари сол” байни мардон се нафар – Ву Леи (Чин), Умар Ҳарбин (Сурия) ва Умар Абдулраҳмон (Имороти Муттаҳидаи Араб) довталаб буданд. Ин ҷоизаро президенти Конфедератсияи футболи Осиё Салмон Бин Иброҳим Ал-Халифа ба бозигари дастаи мунтахаби Сурия ва бошгоҳи футболи «Ал-Ҳилол»-и Арабистони Саудӣ Умар Ҳарбин тақдим намуд.

БАРАНДАГОНИ ҶОИЗАҲОИ AFC ДАР СОЛИ 2017:

Ҷоизаи «Алмоси Осиё»:

Юсуф Ал-Cеркал (Имороти Муттаҳидаи Араб).

 

Ҷоизаи «Орзуи Осиё»:

Созмони футболи Ҷопон.

 

Созмонҳои миллии сол:

Рӯҳбаландкунанда – Федератсияи футболи Ҷумҳурии Исломии Эрон;

Дар ҳоли рушд – Федератсияи футболи Ветнам;

Кӯшишкунанда – Федератсияи футболи Афғонистон.

Ҷоизаи эътирофи президенти АFC барои инкишофи футболи оммавӣ:

Рӯҳбаландкунанда – Ассотсиатсияи футболи Чин;

Дар ҳоли рушд – Ассотсиатсияи футболи Сингапур;

Кӯшишкунанда – Федератсияи футболи Бутан.

 

Мураббии беҳтарин:

Миёни занон – Асако Такакура (Ҷопон);

Миёни мардон – Такафуми Ҳори (Ҷопон).

 

Бозигари беҳтарини футзал:

Алиасғар Ҳасанзода (Эрон).

 

Бозигари беҳтарини Осиё:

Миёни занон – Саманта Керр (Австралия);

Миёни мардон – Умар Ҳарбин (Сурия);

 

Ҷоизаи махсус ба довар:

Бахтиёр Намозов (Ӯзбекистон).

 

Бозигари беҳтарини ҷавон:

Миёни занон – Сунг Ҳянг-Сим (Кореяи Шимолӣ);

Миёни мардон – Ли Сунг Ву (Кореяи Ҷанубӣ).

 

Бозигари беҳтарини осиёӣ, ки дар дигар қитъа бозӣ мекунад:

Сон Ҳинг-мин (Кореяи Ҷанубӣ).

 

Манбаъ: Сомонаи расмии телевизиони «Варзиш»

Нет комментариев

Также рекомендуем

6 способов избавиться от потливости ног

Многие люди страдают от повышенной потливости ног, которая доставляет им настоящие неприятности, особенно летом. Почему ноги начинают сильно потеть и приобретают неприятный запах? Скорее всего, ...