Беҳтарин оилаи ҷавони Тоҷикистон маълум гардид

0
1 506 просмотров

Ёдовар мешавем, ки Кумитаи кор бо занон ва оилаи назди Ҳукумати Ҷумҳурии Тоҷикистон тибқи Амри Президенти Ҷумҳурии Тоҷикистон бахшида ба Соли ҷавонон дар ҳамкорӣ бо вазоратҳои фарҳанг, маориф ва илм, кумитаҳои кор бо ҷавонон ва варзиш, телевизион ва радио, мақомоти иҷроияи ҳокимияти давлатии ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ озмуни ҷумҳуриявии «Беҳтарин оилаи ҷавон»-ро эълон намуда буд. Мақсади баргузории озмунро масъулин дар баланд бардоштани маърифати оиладории ҷавонон, ҳидояти онҳо барои бунёди оилаи солим, омода намудани онҳо ба ҳаёти мустақилона, таҳкими заминаи мусоид баҳри пойдории оилаҳои ҷавон, пешгирии ҳодисаҳои номатлуб, аз қабили вайроншавии оилаҳои ҷавон, никоҳи бармаҳал ва хешу таборӣ, зӯроварӣ дар оила ва дар маҷмӯъ, тарғиби тарзи ҳаёти солим байни ҷавонон, сарфаву сариштакорӣ ва муаррифии намунаҳои беҳтарини оилаҳои ҷавон арзёбӣ намуданд. Мавриди зикр аст, ки озмуни «Беҳтарин оилаи ҷавон» дар се давр доир гардида, даври аввал дар шаҳру ноҳияҳо, даври дуюм дар сатҳи вилоятҳо ва даври ниҳоии он дар шаҳри Душанбе баргузор гардида, дар он 11 оилаи беҳтарин аз ВМКБ, вилоятҳои Суғду Хатлон, шаҳри Душанбе ва шаҳру ноҳияҳои Турсунзода, Роғун, Ҳисор, Варзоб, Файзобод, Рашт ва Тоҷикобод ширкат доштанд. Озмун аз рӯи 6 шарт-муаррифии оила, бахшҳои рӯзгордорӣ, маънавӣ ва андарзӣ, фарҳангӣ-фароғатӣ, намоиши ҳунарҳои дастӣ ва бахши ҳаҷвӣ доир гардида, ҳар яке аз оилаҳои ҷавон беҳтару хуштар ва бо завқи баланд ҳунарнамоӣ карданд. Ҳайати ҳакамон маҳорату малака ва истеъдоди ҳар як оилаи ҷавонро баҳогузорӣ намуда, ҷойи аввалро ба беҳтарин оилаи ҷавон аз ВМКБ- Ғолиб Ниятбеков ва ҳамсараш Гуландом Назармамадова, ҷойи дуюмро ба оилаи Носирҷон Маъмурзода ва ҳамсараш Ҳангомаи Исмат аз вилояти Хатлон ва ҷойи сеюмро ба оилаи Оятулло Муродзода ва ҳамсараш Шаҳло Ғаффорова аз ноҳияи Варзоб муносиб донистанд. Ғолибони озмун ва иштирокчиён бо дипломҳо ва туҳфаҳои хотиравӣ қадрдонӣ гардиданд.

 

 

Манбаъ: сомонаи расмии АМИТ «Ховар»

Нет комментариев

Также рекомендуем

Таджикистан награжден медалью международного фестиваля «Культура чаепития стран мира»

В Баку в культурно-развлекательном центре «Ханадан» по инициативе Министерства культуры и туризма и Ассоциации национальной кулинарии Азербайджана 20 октября прошел международный фестиваль «Культура чаепития стран ...