Беморон аз табобатпулӣ метарсанд, аммо табобат ройгон аст

0
197 просмотров

Бино ба иттилои силшинос, сармутахассиси ғайривоҳидии Раёсати тандурустии вилояти Суғд Ҷумъа Ёқубов соли 2015 дар вилоят 541 нафар аз бемории сил сироят ёфтаанд. Дар нимсолаи соли 2016 бошад, ин теъдод ба 453 нафар расидааст.

С.Рустамов-силшинос

 

Ба гуфти номбуда шумораи умумии беморон дар марҳилаи аввали сил қарор дошта, ба хотири сари вақт бартараф кардани беморӣ ва сироят накунонидани атрофиён бистарӣ шудаанд.

 

Шарифова: Худам худамро касал кардам

Шарифова Ниёзбибии 28-сола тӯли 23 рӯз аст, ки дар беморхонаи “Маркази ҳимояи аҳолӣ аз бемориҳои сил”-и ноҳияи Мастчоҳ бистарӣ аст. Ин зан соҳиби се фарзанд буда, оғози моҳи июл ба бемории сил гирифтор шудааст: — Дар моҳи Рамазон ташна мемондам ва вақти ифтор оби аз сардро зиёд менӯшидам. Гоҳо дар нисфирӯзӣ, ки гармии ҳаво дучанд мешавад рӯймол ва либосҳоямро ба оби хунук тар мекардам. Пас аз моҳи мубораки Рамазон дар худам каммадорӣ ва баста шудани иштиҳоро эҳсос кардам. Танҳо дар давоми 15-20 рӯзи моҳи июл вазнам аз 60 кг ба 54 кг расид. Наздиконам тавсия доданд, ки ба духтур муроҷиат кунам. Баъди муоинаи тиббӣ муайян гашт, ки аз сабаби камғизову камқувват шудани организмам ба бемории сил гирифтор шудаам, — мегӯяд Шарифова.

Беморхонаи сил-9

Айни ҳол ҳар се фарзандонам ҳам доруҳои зиддисилиро пайваста истеъмол карда истодаанд, ки табобати онҳо 9 моҳ тӯл мекашад. Чун худам, ки баъди тамоми аломатҳои касалӣ дар организмам зоҳир шудан баъд ба беморхона омадам, мақоли “Пешгирӣ беҳ аз табобат”-ро ба ҳарду гӯшам ҳалқа карда, баъди ду-се рӯзи аз муоинаи тиббӣ гузаштанам фарзандонамро ба духтур овардам. Хушбахтона, онҳо сироят наёфтаанд. Баъди ба табобат фаро гирифта шудан дар худ бисёр сабукиҳоро эҳсос карда истодаам.

Беморхонаи сил-4

Мафтуна: Аз тарси ҳамсояҳо пинҳонӣ табобат гирифтем

Тибқи моддаи 42-юми Қонуни ҶТ «Дар бораи саломатии аҳолӣ» (1997) шаҳрвандони мубталои бемориҳои сил, ҷувзон (лепра), ВНМО, таносулӣ ва дигар бемориҳои хавфнок вазифадоранд, ки бо талаби муассисаҳои тиббӣ муоина шаванд ва худро табобат кунанд. Агар шаҳрвандон аз муоина ва табобат саркашӣ намоянд, онҳо ба беморхона маҷбуран оварда, бо тартиби муқаррарнамудаи қонунгузории ҶТ ташхис ва табобат карда мешаванд. Аммо имрӯз ҷой доштани фикру гумони ғалат дар дилу сари бемор ва ҳам атрофиёнаш водор мекунад, ки ин талаботи қонунро нодида гиранд, яъне бемории худро пинҳон доранд, то дигарон ба онҳо рӯй турш накунанд. Маҳз аз ҳамин сабаб аксарият он нафароне, ки баъди касалиро куҳна кардан ба духтур муроҷиат мекунанд ва ё баъди аз пои равон монда бистарӣ шудан ба бемории худ қоил мешаванд, побанди гумонҳои ботиланд.

Беморхонаи сил-2

 

Зимни баргузории тренниг (оид ба бемории сил) аз сӯҳбат бо беморони сиҳатёфта маълум гардид, ки имрӯз фикри хатои худи бемор ва атрофиёнаш боиси зиёдшавии намудҳои гуногуни бемориҳои сироятӣ, аз ҷумла сил мегардад.

Нет комментариев

Также рекомендуем

Финляндия выразила готовность организовать встречу Трампа и Путина на саммите Арктического совета

«Мы готовы организовать такую встречу на саммите Арктического совета, если политическая ситуация будет располагать к этому», — сказал премьер-министр Финляндии Юха Сипиля, добавив, что пока ...