Беш аз 60 адад кабинетҳои фаннӣ таҷҳизонида шуданд

0
111 просмотров

Бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон роҷеъ ба таҷҳизонидани кабинетҳои фаннии муассисаҳои таҳсилоти миёнаи умумӣ дар шаҳри Хуҷанд тадбирҳои мушаххас андешида шуданд.

Боиси пайравӣ ва шоистаи таҳсин аст, ки як қатор муассисаҳои таълимӣ бо ҷалби соҳибкорону ашхоси саховатманд ва собиқ хатмкунандагони мактабҳо кабинетҳои фанниро муҷаҳҳаз намуданд.

Маъмурияти муассисаи таҳсилоти миёнаи умумии №27-и ба номи Пӯлот Атаеви шаҳр бо дастгирии ашхоси саховатманд синфхонаҳои таълимии фанҳои химия ва биологияро бо лавозимоти зарурӣ аз ҷумла мизу курсии махсус, ҷевон ва хатти об таъмин намуданд.

Чунин синфхонаҳои фании физика, химия ва биология дар МТМУ №28 бо дастгирии молиявии Мақомоти иҷроияи ҳокимияти давлатии шаҳри Хуҷанд таҷҳизонида шуданд. Ин тадбир дар доираи Барномаи давлатии таъмини муассисаҳои таҳсилоти умумии ҷумҳурӣ бо кабинетҳои фаннӣ ва озмоишгоҳҳои муҷаҳҳази таълимӣ барои солҳои 2018-2020 амалӣ гардида, барои хонандагон фазои мусоиди таълимиро муҳайё месозад.

Дар гимназияи №4-и шаҳри Хуҷанд иҷрои нақшаи таҷҳизонидани кабинетҳои фаннӣ муваффақона амалӣ гардида, дар муассиса тамоми кабинетҳои фаннӣ муҷаҳҳаз гардонида шуданд. Кабинетҳои фанҳои химия, физика ва биология, ки чанде қабл бо лавозимоти зарурии таълимӣ таҷҳизонида шуданд, барои омӯзиши фанҳои дақиқ дар муассиса мусоидати фаъол хоҳад намуд. Зеро барои таҷҳизонидани кабинетҳои номбурда лавозимоти зарурӣ, аз қабили: мизу курсиҳо барои хонандагон, мизи намоишӣ, ҷевони бодкаш, рахтҳо барои нигоҳ доштани асбобҳо ва реактивҳои химиявӣ, тахтаи электронӣ, проектор, телевизор, асбоб ва лавозимотҳои лабораторӣ харидорӣ карда шуданд.

Мақомоти иҷроияи ҳокимияти давлатии шаҳри Хуҷанд баҳри татбиқи “Барномаи давлатии таъмини муассисаҳои таҳсилоти умумии ҷумҳурӣ бо кабинетҳои фаннӣ ва озмоишгоҳҳои муҷаҳҳази таълимӣ барои солҳои 2018-2020” тадбирҳои муассир андешида, барои баланд бардоштани сатҳу сифати омўзиши фанҳои табиӣ-риёзӣ дар ҳамаи зинаҳои таҳсилот кўшиш ба харҷ медиҳад. Ин буд, ки алҳол дар муассисаҳои таълимии шаҳри Хуҷанд беш аз 60 адад кабинетҳои фаннӣ таҷҳизонида шуданд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

13 февраля — Всемирный день радио

В условиях конфликтов и во времена кризисов радио становится спасательным кругом для уязвимого населения. Генеральный секретарь ООН Пан Ги Мун. Всемирный день радио — молодой ...
%d такие блоггеры, как:

Сообщить об опечатке

Текст, который будет отправлен нашим редакторам: