Безарар будани телефон ба саломатии одамон исбот шудааст

4
1 966 просмотров

Майдони магнитие, ки телефонҳои мобилӣ ва хатҳои интиқоли қувваи барқ пайдо мекунанд, ба саломатии инсон зарар намерасонанд. Ба чунин хулоса омаданд, олимони донишгоҳи шаҳри Манчестер.

http://hi-news.ru/

http://hi-news.ru/

Тадқиқотҳои қаблӣ исбот месохтанд, ки шуоъзанӣ аз телефонҳои мобилӣ ва ноқилҳои қувваи барқ ба безурётӣ ва касалии саратон оварда мерасонад. Баъзе олимон ҳатто алоқамандии инкишофи кўдакро бо сафедхунӣ пайдо карданд.  Хадамоти байналмилалӣ оид ба омўзиши касалии саратон дар асоси маълумотҳои солҳои пешин майдони зичиаш ками магнитиро эътироф намуда, табибон маслиҳат медоданд, ки бо телефони мобилӣ ба муддати дароз сўҳбат накунанд. Ба бачагон маслиҳат медоданд, ки аз телефонҳои мобилӣ танҳо вақти зарурӣ истифода баранд. То дирўз чунин меҳисобиданд, ки майдони магнтитӣ сафедаҳои асосиро дар тани инсон маҳв месозад. Аммо, олимони донишгоҳи Манчестер инро рад карданд.

Тавре рўзномаи The Telegraph менависад, олимон чӣ тавр майдони магнитии заиф ба флавопротеидҳо таъсир мерасонанд, ки дар ташаккули вазъи саломатии инсон, идоракунии системаи асаб ва барқароршавии ДНК роли муҳимро мебозанд, мушоҳида бурданд. Зеро, коҳишёбии ин сафедаҳо ба саломатии инсон таҳдид мекунад. Аммо, тавре аён гардид, таъсири ин майдонҳоми магнитӣ ба фаъолнокии флавопротеидҳо ҳеҷ гуна таъсир намерасонанд.

Одамон то ба ҳанўз аз хавфи алоқамандии шуоъзанӣ бо сафедхунӣ дар ҳаросанд, ки дар тадқиқотҳои пешин ошкор шуда буд. Аммо, механизми дақиқи он дарёфт нашуда буд,- мегўяд, ҳаммуалифи тадқиқот Алекс Ҷонс аз мактаби кимиёи назди Донишгоҳи Манчестр. Флавопротеидҳо электронҳоро аз як ҷой ба ҷои дигар мегузаронанд. Дар роҳ аксар пайвастагиҳои кутоҳумр чун ҷуфтҳои радикалӣ ташакул меёбад. Чунин ҳисобида мешавад, ки реаксияҳои биохимикӣ, ки дар онҳо ширкат мекунанд, ба шуоъзании электромагнитӣ дар шароитҳои муайян басо ҳассосанд. Тадқиқоти нав нишон дод, ки шароити дуруст барои самараи биохимикии майдони электромагнитии заиф дар биологияи инсон хеле кам вомехўрад.

Дигар аз муаллифи тадқиқот профессор Найдҷел Скраттон гуфтаҳои ҳамкасбашро чунин пурра намуд:

-Барои муайян сохтани дигар алоқамандиҳои имконпазир тадқиқотҳои иловагӣ зарур мешавад. Аммо, кори мазкур аллакай ба мо имкон медиҳад тасдиқ созем, ки хатти интиқоли барқ, телефонҳои мобилӣ ва ба онҳо монанд таҷҳизот ба саломатии инсон зарар намерасонанд.

Қайд кардан ҷоиз аст, ки ягона тадқиқот дар ин самт нест. Соли 2010 Хадамоти Британия оид ба ҳифзи саломатӣ далелҳои боварибахшро нисбати зараровар будани телефони мобилӣ ба саломатии инсонро дарёфт накард. Аммо, гурўҳи мустақили машваратӣ оид ба шуоъзании неионизонӣ AGNIR ба тадқиқоти дарозмуддат оид ба самараи шуоъзании телефонхои мобилӣ маҷбур месозад.

Тадқиқоти олимони донишгоҳи Манчестр дар маҷаллаи Journal of the Royal Society Interface дарҷ карда шуда буд.

Сарчашма: matrix-tv.tj

4 comments

Опубликовать новый комментарий

Также рекомендуем