Бо саҳмгузории соҳибкорон кӯчаҳо обод ва иншооти муҳим бунёд гардида истодаанд

0
398 просмотров

Дар доираи омодагиҳо ба таҷлили шоистаи ҷашни 30-солагии Истиқлолияти давлатии Ҷумҳурии Тоҷикистон аз ҷониби сокинони шаҳри Конибодом иқдому ташаббусҳои наҷиб рӯи кор омада, шаҳру деҳот рӯз аз рӯз обод мегардад.

Дар ин радиф бунёди як қатор иншоот, сохтмони синфхонаҳои иловагӣ, таъмири роҳҳо, чароғонкунии кӯчаҳо ва амсоли ин идома дошта, дар ин самт соҳибкорон саҳми арзандаи худро гузошта истодаанд.

Аз ҷумла, бо ташаббуси сокинон кӯчаҳои ба номи М.Олимов ва Ш.Ҳусейнзода ба масоҳати 650 метри мураббаъ ва харҷи 160 000 сомонӣ мумфарш гардида, ба маблағи 20 000 сомонӣ чароғон гардид. Дар иҷрои корҳои ободонӣ соҳибкорон Баҳодурҷон Ваҳҳобов, Акмал Тоҷиев, Раҳматҷон ва Рауфҷон Бобоҷоновҳо чун инсонҳои хайрхоҳу саховатпеша саҳми назаррас гузоштанд.

Дар рӯзҳои таҷлили ҷашни Наврӯз бошад зодаи деҳаи Маҳрам, соҳибкори ҷавон Наимҷон Мамадов бо аҳли маҳалла кӯчаи ба номи Ҷонон Ӯруноваро мумфарш ва чароғон гардонид.

Инчунин бо ҳиммати ҷавонмарди ватандӯсту ободгар Зафарҷон Қодиров дар рӯзҳои наврӯзӣ дар кӯчаи марказии ба номи С.Айнӣ бинои чойхона, сартарошхона ва истгоҳи замонавӣ мавриди баҳрабардории сокинон қарор гирифт. Минбаъд аз чойхона ва дигар иншооти зикршуда сокинони кӯчаҳои ба номи Ҳоҷӣ Алиев, И.Иброҳимов, Ю.Ёдгоров, А.Тошматов, М.Ҳомидов ва С.Айнӣ истифода менамоянд.

Ин чанд намунае аз раванди саҳмгузории сокинон дар корҳои ободониву созандагӣ буд ва чунин бунёдкориҳо дар шаҳру деҳот бомаром идома дорад.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: