Шояд аксарият ин суратро дар интернет дида бошанд, аммо кам касон медонанд, ки ин бобо кӣ аст. Пас бидонед, номи ин бобо Добри буда, ӯ аз як деҳоти Булғория мебошад ва ҳоло 100 сола аст.
Дар давоми солҳои зиёд боз ӯ бо ҷамъоварии чизҳои гуногун барои барқароркунии тамоми калисоҳои Булғория машғул мебошад.
Бобои Добри ба тангаҳое, ки мардум ба ӯ медиҳанд, ҳатто ба яктоаш ҳам даст намерасонад. Ӯ бо нафақапулии худ, ки дар як моҳ 100 евро мебошад, инчунин меваҷоту ноне, ки одамон барояш медиҳанд, зиндагиашро ба пеш мебарад.
Соли 2010-ум, дар рафти сабти филми ҳуҷҷатӣ дар бораи калисои Александр Невский, як нафар рӯзноманигори булғорӣ навгонии ҳайратоварро ифшо намуд. Ӯ ҳуҷҷатҳои бойгонии калисоро аз назар гузаронида, ҳуҷҷатеро дарёфт кард, ки дар он дар бораи замоне 40 000 евро маблағро ба таври хайрия гирифтани калисо гуфта шуда будааст, ки он аз тарафи пири қашшоқ, бобои Добри супорида шуда будааст.
Бобои Добри ба бисёриҳо мадад мерасонад. Масалан, ӯ маблағи хизматрасонии комуналии хонаи бачагонро, ки аз истифодаи барқу гармидиҳӣ даст кашидан мехост, пардохт кардааст. Ба ғайр ин бобо Добри ба бесарпаноҳмондагон ёрӣ мерасонад. Вале мо ҳеҷ вақт дар бораи амалҳои накӯкоронаи бобои Добри маълумоти пурра гирифта наметаонем, зеро ӯ дар ин бора ҳеҷ гох сухан намеронад.
Нет комментариев