Бодоми ширин дарахте мебошад, ки ба гурӯҳи растаниҳои олугӣ дохил мешавад. Меваи он донагӣ буда, ба донаи шафтолу монанд аст. Бо вуҷуди ин онро ҳамчун мағз медонанд. Дар тибби мардумӣ бодоми ширинро дар табобати диабети қанд, камхунӣ, астмаи роҳи нафас, рагкашӣ, бехобӣ ва сулфа истифода менамоянд. Бодоми ширин асосан дар субтропикаи Осиёи Хурд ва Хитой мерӯяд.
Инчунин дар минтақаҳое, ки иқлимаш ба субтропика монанд аст мерӯяд, махсусан дар минтақаҳои баҳри Миёназамин. Бодом дар минтақаҳои кӯҳии баландиашон то 1600 метр рӯида метавонад. Дар хоке, ки аз калтсий бой аст, хуб нашъунамо менамояд. Ба намӣ на он қадар эҳтиёҷ дорад, зеро решаҳои он хуб инкишоф меёбанд.
Бодом дар моҳҳои феврал ва март гул карда, меваи он моҳҳои июн ва июл пухта мерасад. Бодом дар сини 4-5 солагиаш ба мевакунӣ сар карда, та панҷоҳсолагиаш мева меандозад. Баъзан бодом то 130 сол умр мебинад. Дарахти бодоми ширин аз дарахти бодоми талх қариб, ки фарқ намекунад.
Нет комментариев