Боз як Соли навро бе барф пешвоз мегирем

0
323 просмотров

То 1 январи соли 2017 дар ҷумҳурӣ ҳавои тағйирёбандаи бебориш дар назар дошта шудааст. Ба иттилои мутахассисони Агентии обуҳавошиносии кишвар, имрӯз дар шаҳри Душанбе ҳаво тағйирёбанда ва бебориш мешавад. Шамол аз самти ғарб бо суръати аз 2 то 7 метр дар як сония мевазад. Ҳаво аз 13 то 15 дараҷа гарм мешавад.
Дар вилояти Бадахшон ҳаво бебориш шуда, дар баъзе минтақаҳо борон меборад. Шамол аз самти ғарб бо суръати аз 2 то 7 метр дар як сония мевазад. Ҳаво дар ғарби вилоят аз 3 то 8 дараҷа гарм шуда, дар шарқи он аз 1 то 6 дараҷа хунук хоҳад шуд.
Дар вилояти Xатлон ҳавои тағйирёбандаи бебориш ва туман пешгӯйӣ мешавад. Шамол аз самти ғарб бо суръати аз 2 то 7 метр ва дар баъзе ҷойҳо бо суръати аз 15 то 20 метр дар як сония мевазад. Ҳаво дар водиҳо аз 10 то 15 дараҷа гарм мешавад. Дар доманакӯҳҳо аз 6 то 11 дараҷа гармӣ дар назар аст.
Дар вилояти Суғд ҳавои тағйирёбандаи бебориш дар назар дошта шудааст. Шамол аз самти ғарб бо суръати аз 3 то 8 метр дар як сония ва дар баъзе ҷойҳо бо суръати аз 17 то 22 метр дар як сония мевазад. Дар водиҳо аз 3 то 8 дараҷа гарм мешавад. Дар ноҳияҳои кӯҳӣ ҳарорати ҳаво аз 1 то 6 дараҷа гарм хоҳад шуд.
Дар ноҳияҳои тобеи марказ ҳаво тағйирёбанда ва бебориш мешавад. Шамол аз самти ғарб бо суръати аз 2 то 7 метр дар як сония мевазад. Ҳаво дар водиҳо аз 8 то 13 дараҷа ва дар ноҳияҳои кӯҳӣ аз 2 то 7 дараҷа гарм мешавад.

Манбаъ: АМИТ «Ховар»

Нет комментариев

Также рекомендуем