Ширкати Tcell барои иштирокчиёни Press-СlubTojikiston, ки аъзояш аз котибони матбуотӣ, муттахассисони умури PR, ташкилотҳои байналмилалии сабтшуда дар Тоҷикистон иборат аст, пресс-тур доир кард.
Барои мутахассисон соҳаи алоқа, муносибатҳои ҷамъиятӣ ва бозор воситаи муҳим дар кори ҳаррӯза – ин алоқаи боэътимоди санҷидашуда ва Интернет аст. Барои ҳамин Tcell аъзои клубро ба сайёҳат ба базаҳои такягоҳӣ бурд, то бо чашмони худ бубинанд ва ба алоқаи боэътимоди мобилӣ баҳои худро бидиҳанд.
Аъзои клуб қоидаҳои асосии алоқаи мобилиро дар мисоли ду нуқтаи такягоҳии Tcell — “Шаҳринав” ва “Шоҳамбарӣ” фаҳмиданд. Намояндагони шуъбаи техникии ширкат дар бораи алоқаи мобилии ширкат ба таври комил маълумот доданд. Нуқтаҳои такягоҳӣ дар як гӯшаи зебоманзар, миёни боғоти гелосу олу ҷойгир буд, иштирокчиён ба сифати алоқаи ширкат баҳо дода, бо хушнудӣ аз табиат баҳравар гаштанд.
Нуқтаҳои такягоҳии “Шаҳринав” ва “Шоҳамбарӣ” пурра худидоравӣ буда, метавонанд муддати тулонӣ ҳангоми набуди барқ кор кунанд. Нуктаи такягоҳии “ Шоҳамбарӣ”, ки дар атрофи истироҳатгоҳ аст, бо батареяҳои офтобӣ кор мекунад. Энергияи офтобӣ имкон медиҳад, ки сокинони ноҳия бо алоқаи мобилӣ ва интернет таъмин бошанд.
Масъулияти иҷтимоии Tcell баҳри ҳифзи муҳити солим барои наслҳои оянда нигаронида шудааст. Аз ҳамин хотир бисёре аз нуқтаҳои такягоҳии ширкат тавассути батареяи офтобӣ кор мекунанд. Иштирокчиёни клуб бисёр суолҳо атрофи роҳандозии фаъолияти таҷҳизот бо энергияи офтобиро пурсон шуданд.
Баъдан дар осоишгоҳи “Шоҳамбарӣ” намояндагони шӯъбаи B2B охирин хизматрасонӣ ва имконоти Tcell барои мизоҷони корпоративии ширкатро муаррифӣ карданд. Шом иштирокчиён фурсат доштанд, дар муҳити ғайрирасмӣ бо ҳам суҳбат намоянд
Жола Давлатмандова, иштирокчии клуб гуфт: “Ҳама инсонҳо, таҷҳизот ва кор ки ки мо ҳангоми сафар дидем, хело таъсирбахш буд, зеро он мисли як организм сохта шудааст ва дар он ҳама вазифаи худашро медонад ва онро хуб иҷро мекунад. Мо сифат ва боэътимодии алоқаи Tcell-ро дидем ва бисёр маълумоти муфид гирифтем”.
Tcell- бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад.
AKFED — Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии халқҳои кишварҳои рӯ ба тараққӣ тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин кор мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
Хадамоти иттилоотии ширкат.
Нет комментариев