Боздиди Раиси вилоят аз қисмҳои низомӣ

0
83 просмотров

Раиси вилояти Суғд Раҷаббой Аҳмадзода ба қисми низомии 01972-и Вазорати мудофиаи Ҷумҳурии Тоҷикистон, воқеъ дар шаҳри Бӯстон ташриф оварда, сарбозону афсарони қисми ҳарбиро ба муносибати фарорасии Соли нави мелодӣ табрик намуд.

Раиси вилоят Раҷаббой Аҳмадзода зимни ироаи паёми табрикотии худ таъкид кард, ки бо талошу ҷоннисориҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сулҳу ваҳдат дар мамлакат пойдор гардида, Қувваҳои мусаллаҳи кишвар ба нерӯи бузурги мудофиавӣ табдил дода шуд.

Қайд карда шуд, ки Ҳукумати Ҷумҳурии Тоҷикистон барои боз ҳам беҳтар намудани шароити хизмати сарбозону афсарон тадбирҳои мушаххасро амалӣ менамояд. Аз ҷумла, худи ҳамин сол бо дастуру супоришҳои Пешвои миллат муҳтарам Эмомалӣ Раҳмон хобгоҳи қисми низомии 01972 бо маблағгузории мақомоти иҷроияи ҳокимияти давлатии вилоят дар ҳаҷми се миллион сомонӣ аз таъмири куллӣ бароварда шуд ва чунин пешравиҳо дар дигар қисмҳои низомӣ низ ба назар мерасад.

Афсарону сарбозон барои таваҷҷуҳи доимӣ ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори миннатдорӣ карда, омодагии худро барои ҳимояи марзу буми мамлакат баён доштанд.

Дар идома Раиси вилоят бо шароити хизмати сарбозон дар қисми низомӣ шинос шуд. Зимни боздид иттилоъ доданд, ки сарбозону афсарон се вақт бо ғизои гарм таъмин буда, дар арафаи Соли нави мелодӣ аз ҷониби Ҳукумати мамлакат ба қисмҳои низомӣ маводи хӯрока дастрас карда шуд.

Худи ҳамин рӯз Раиси вилоят аз қисми низомии 051056-и Гвардияи миллии Ҷумҳурии Тоҷикистон низ боздид намуда, афсарону сарбозонро ба Соли нави мелодӣ табрик намуд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

«Во весь голос» на весь «МИР»

12 ноября на телеканале МИР в эфир вышел первый выпуск музыкального шоу “Во весь голос”. Первый эфир музыкального шоу  участники посвятили знакомству всех команд друг ...
%d такие блоггеры, как:

Сообщить об опечатке

Текст, который будет отправлен нашим редакторам: