30 октябр Раиси вилояти Суғд Раҷаббой Аҳмадзода ба ноҳияи Бобоҷон Ғафуров ташриф оварда, бо фаъолияти сардхонаҳои ноҳия шинос гардид.
Раҷаббой Аҳмадзода нахуст дар Ҷамоати деҳоти ба номи Дадобой Холматов аз сардхонаи соҳибкор Абдуқаҳҳор Очилов боздид намуд. Тавре иттилоъ дода шуд, дар сардхона метавон то ҳазор тонна маҳсулотро нигаҳдорӣ намуд ва то имрӯз 200 тонна ангур захира карда шудааст.
Раиси вилоят аснои шиносоӣ ба соҳибкор дастур дод, ки иқтидори сардхонаро пурра истифода бурда, барои захирасозии маҳсулоти кишоварзӣ, аз қабили пиёз, сабзӣ ва картошка чораҷӯӣ намояд.
Сипас, Раиси вилоят дар ҳамин ҷамоат фаъолияти сардхонаи соҳибкор Зикрулло Ёқубовро мавриди таваҷҷуҳ қарор дод. Тибқи иттилои соҳибкор дар сардхона дар маҷмуъ 400 тонна ангур ва себ захира гардида, дар ҳамкорӣ бо хоҷагиҳои деҳқонӣ як қисми маҳсулоти кишоварзон низ дар шароити хуб нигаҳдорӣ карда мешавад.
Зикрулло Ёқубов ҳамзамон дар суҳбат бо Раиси вилоят таъкид кард, ки то ҷашни 30-солагии Истиқлолияти давлатии Ҷумҳурии Тоҷикистон боз як сардхонаи навро мавриди истифода қарор хоҳад дод.
Раҷаббой Аҳмадзода аз иқдоми соҳибкор истиқбол намуда, иброз дошт, ки таъмини бозорҳо бо маҳсулоти кишоварзӣ аз фаъолияти мунназами сардхонаву гармхонаҳо вобастагии калон дорад.
Дар идома Раиси вилоят бо вазъи кунунии сардхонаҳои Боғи миллии “Ваҳдат” ошно шуда, ҷиҳати захирасозии маҳсулот, омодагӣ ба зимистонгузаронӣ, таъмини бозорҳои вилоят бо меваҷоту сабзавот дар тамоми фаслҳои сол ба масъулин дастуру супоришҳо дода шуд.
Манбаъ:Хадамоти матбуоти
Раиси вилояти Суғд
Нет комментариев