Боздошти қӯруқшикан бо 800 кг моҳӣ

0
437 просмотров
Акс аз: www.ampravda.ru

Акс аз: www.ampravda.ru

Аз  тарафи кормандони милитсияи экологии ВКД дар вилояти Суғд миқдори зиёди моҳие, ки ғайриқонунӣ сайд шудааст, мусодира шуд, ки он мебоист ба шаҳри Душанбе интиқол мешуд. Тавре ки аз шӯъбаи назорати экологии ВКД ҶТ дар вилояти Суғд иттилоъ доданд, зимни баргузории як чорабинии ҳуқуқии кормандони шӯъбаи милитсияи экологии вилояти Суғд сайди ғайриқонунии ҳайвоноти обӣ ошкор шуд. Ба гуфти манбаъ, дар ҳудуди шаҳри Хуҷанд зимни боздошти мошини тамғаи “Toyota-sluff”, аломати қайди давлатиаш ЕЕ 41-11 01 РТ, ки таҳти идораи ронанда Хуррам Раҳматов, сокини ноҳияи Варзоб қарор дошт, аз дохил ва бағоҷи он миқдори зиёди намудҳои гуногуни моҳӣ дарёфт гардид. Моҳиҳои мусодирашуда 800 кг вазн дошта, ба шаҳрванд Фарҳод Абдуалиев, истиқоматкунандаи ҷамоати деҳоти Лоҳутии ноҳияи Конибодом тааллуқ доштанд. Номбурда дар давоми як ҳафта ғайриқонунӣ ин миқдор моҳиро дар мавзеи обанбори Қайроққум тавассути тӯри моҳидорӣ сайд намудааст.  Мувофиқи ҳисоби пешакӣ зарари ба муҳити зист расида наздик ба 9 000 сомонист. Дар айни ҳол аз рӯи далели мазкур нисбат ба шаҳрванд Ф.А. тадбирҳо барои оғози парвандаи ҷиноӣ бо моддаи 230 -и КҶ ҶТ, яъне сайди ғайриқонунии ҳайвоноти обӣ андешида шуда, таҳқиқи маводи мазкур дар пешбурди кормандони милитсия қарор дорад.

Дар ин бора khovar.tj хабар медиҳад.

Нет комментариев

Также рекомендуем