Ширкати Финии HMD Global, ки соҳибҳуқуқи бренди Nokia мебошад, тафсири нави телефони Nokia 3310-ро, ки миёни истифодабарандагон замон хеле маҳбубият пайдо карда буд, намоиш доданӣ аст. Чуноне муаллифи портали VentureBeat Эван Бласс хабар медиҳад, намоиши тафсири навкардашудаи телефони Nokia 3310 дар намоишгоҳи Mobile World Congress, ки санаи 26-уми феврал дар Барселона баргузор мегардад, доир мешавад.
Тафсири Nokia 3310-и навкардашуда 59 евро арзиш хоҳад дошт. Чӣ гуна хусусиятҳои техникӣ доштани телефон ва инчунин намуди зоҳирии нави он ҳоло ба касе маълум нест.
Ба ғайр аз Nokia 3310, ширкати HMD Global смартфонҳои Nokia 3 ва Nokia 5-ро бо нархи 149 евро ва 199 евро намоиш доданист.
Телефони Nokia модели 3310 соли 2001-ум дар бозорҳо пайдо шуда, ба яке аз дастгоҳҳои маъмулу маъруфтарин ва серистифода дар ҷаҳон гардида буд. Телефони Nokia 3310 бо шарофати кори давомноки аккумулятораш ва танаи сахту устувораш хеле машҳур гардида буд. Он замон ширкати Nokia дар маҷмӯъ 126 миллион модели телефони Nokia 3310-ро фурӯхтааст.
Нет комментариев