Амалишавии «Барномаи рушди иҷтимоию иқтисодии вилоят дар давраи то соли 2015» имкон дод, ки дар соҳаҳои гуногун такони ҷиддие ба вуҷуд ояд. Вилояти Суғд яке аз минтақаҳои пешрафатаи Тоҷикистони соҳибистиқлол маҳсуб ёфта, соҳаи саноат дар он ҳамасола рушд менамоянд. Ин гуфтаҳоро метавон бо чанд далел собит сохт. Бар пояи иттилои масъулини Раёсати минтақавии рушди иқтисод ва савдои Мақомоти иҷроияи ҳокимияти давлатии вилояти Суғд тӯли солҳои 2006-2014 соҳаи саноати вилоят ба ҳисоби миёна 2,2 маротиба рушд ёфтааст. Тибқи иттилооти расмӣ дар соли 2006 дар вилоят 219 корхонаи саноатӣ фаъол буд ва дар натиҷаи андешидани тадбирҳои мушаххас теъдоди корхонаҳо дар соли сипаришудаи 2014 ба 566 корхона расонида шуд. Тибқи нақшаи нишондиҳандаи дурнамои Барномаи мазкур ҳаҷми умумии истеҳсоли маҳсулоти саноатӣ дар соли 2015 бо нархҳои муқоисавӣ 2312,2 млн. сомонӣ пешбинӣ шудааст. Бо муқоиса ва таҳлили арқоми мавҷуда метавон бар ин хулоса расид, ки дар ин давра воқеан ҳам соҳаи саноат пешрафти чашмрасе доштааст. Масалан, соли 2014 корхонаҳои саноатии вилоят ба маблағи 3774,7 млн. сомонӣ маҳсулот истеҳсол намуданд, ки ин нисбати нишондиҳандаи нақшаи дурнамои соли 2015-и Барнома 1,6 маротиба ё 1462,6 млн. сомонӣ зиёд мебошад. Ба андешаи Сӯҳроб Шарифов, масъули Раёсати минтақавии рушди иқтисод ва савдои вилояти Суғд болоравии ҳаҷми истеҳсоли маҳсулоти саноатӣ дар вилоят аз ҳисоби ба кор даровардани корхона ва коргоҳҳои нави саноатӣ мебошад. Зеро танҳо дар соли 2014 дар вилоят 164 корхонаи нави хурду калон бо наздик 3000 ҷойи нави корӣ ба фаъолият шурӯъ намуд. Дар зимн бояд тазаккур дод, ки айни замон дар вилояти Суғд бо ҷалби сармоягузорони дохиливу хориҷӣ бунёди як қатор корхонаҳои калон идома дорад. Корхонаи сементбарории “Ғаюр-семент” дар ноҳияи Бобоҷон Ғафуров (барои 1000 ҷойи корӣ ва истеҳсоли 1 млн. тонна семент дар як сол), коргоҳи заршӯйии КМ ”Зарафшон” (бо иқтидори коркарди 10 ҳазор тонна маъдан ва 300 ҷойи корӣ), корхонаи “Броадтек” дар шаҳри Панҷакент ва ҶДММ «Нуқрафом» дар шаҳри Истиқлол аз ҷумлаи чунин корхонаҳои калонеанд, ки пас аз мавриди истифода қарор гирифтан садҳо нафар дар он бо ҷои кори доимӣ ва маоши арзанда таъмин мешаванд. Ин танҳо охири кор нест. Зеро ба иттилои Озифхон Шарифзода, мудири Шӯъбаи энергетика ва саноати мақомоти иҷроияи ҳокимияти давлатии вилояти Суғд дар соли ҷорӣ бунёди зиёда аз 170 корхона ва коргоҳи нави саноатӣ бо 5300 ҷойи нави корӣ дар назар аст. Дар ин бора аз хадамоти матбуотии раиси вилоят иттилоъ доданд.
Роҳҳои ислоҳот ва рушди соҳаи маорифи мамлакат
Дар Донишгоҳи славянии Россияву Тоҷикистон ҷамъомад таҳти унвони «Омӯзиш ҳамчун воситаи татбиқи дурнамои рушд» баргузор гардид. Тавре аз Вазорати маориф ва илми Ҷумҳурии Тоҷикистон ба ...
Нет комментариев